Wuskutki dźewjeć eurow tunjeje jězdźenki wědomostnje přepytowane

Berlin/Mnichow (dpa/SN). Wolóženje za přetrjebarjow, přinošk k přewrótej wobchada, lěpšiny za nahladnosć busa a železnicy: Wočakowanja na dźewjeć eurowski tiket w zjawnym wosobowym ­bliskowobchadźe (ÖPNV) su hoberske. ­Trochu wjace hač dwaj měsacaj po starće po cyłym Zwjazku płaćiweho tiketa hódnoći zwjazkowy wobchadny minister Volker Wissing (FDP) projekt hižo jako wuspěch. Při tym wědomostne wuhódnoćenje hišće běži. A prěnje dopóznaća pokazuja na to, zo drje wosebita jězdźenka bjezdwěla skutkownosć pokazuje, ale lědma wšitke nadźije a zaměry spjelnić njemóže.