Prawicarjo w Europje italskej wólbnej dobyćerce gratulowali

Paris/Rom (dpa/SN). Po wólbnym dobyću prawicarskeho lěhwa při wólbach parlamenta w Italskej je francoska ministerska prezidentka Élisabeth Borne připowědźiła, zo chcyła na škit zakładnych prawow we wšitkich čłonskich statach EU dźiwać. „Mamy w Europje cyły rjad hódnotow a wězo na to hladamy, zo je nastupajo čłowjeske prawa a prawo na wotehnaće we wšitkich krajach respektuja“, rjekny Borne wčera sćelakej BFMTV.