Mexiko (dpa/SN). Po zajeću wotsadźeneho peruskeho prezidenta Pedra Castilla by knježerstwo Mexika politikarjej po swójskich informacijach najskerje próstwu wo azyl přizwoliła. Castillo je wčera spytał kongres rozpušćić, na čož jemu mnozy čłonojo jeho knježerstwa a opozicije wobšudnistwo wumjetowachu. Parlament jeho wotsadźi. Krótko na to bu dotalna wiceprezidentka Dina Boluarte jako prěnja statna šefina južnoameriskeho kraja spřisahana.

Tež němske firmy wobdźělene

Taipeh (dpa/SN). Taiwan chce wjace wětrnikow w morju instalować. Kabinet je dźensa w Taipehu plany k rozšěrjenju mórskich kónčin schwalił. Naćisk, kotremuž ma parlament hišće přihłosować, ma kupje pomhać, swoje wuwićowe cile za wutwar wětrnikow docpěć. Tež němske firmy kaž na přikład Skyborn Renewables a Siemens Gamesa su na wuwiću wětroweje energije w Taiwanje wobdźělene.

Połoženje so polěpšiło