Mnichow (dpa/SN). Zwjazk a kraje su so wčera skónčnje na zawjedźenje 49-eurowskeho-tiketa dojednali. Po słowach bayerskeho wobchadneho ministra Christiana Bernreitera (CSU) je start snano klětu 1. apryla móžny. Wuměnjenje za to pak je, zo EU tomu přihłosuje. Dokelž budźe 49-eurowski-tiket wobchadnym předewzaćam nahladny deficit wunjesć, su statne přiražki třoch miliardow eurow předwidźane, wot kotrychž ma Zwjazk 1,5 miliardow eurow přewzać, tamnu połojcu zwjazkowe kraje.

Francoska bjez miliny?

Paris (dpa/SN). Francoske zarjady chcychu dźensa časowje wobmjezowane a kontrolowane wotšaltowanje miliny w jednym regionje přepruwować. Dokelž mnohe francoske atomowe milinarnje tuchwilu milinu njeprodukuja, liča w januaru ze zastaranskimi wuskosćemi. Knježerstwo hotuje so tuž na lokalnje wobmjezowane wotšaltowanje miliny. Z tym ma so njekontrolowanemu black- outej zadźěwać. Dźensa maja so wotběhi přepruwować.

Słowo lěta wozjewili