Drježdźany (SN). 477 žonow a 1 677 ­mužow je loni wukubłanje w jednym rjemjeslniskim zawodźe komorneho wobwoda Drježdźany započało. Najebać napjate hospodarske połoženje wobstejaceje z wysokich energijowych płaćiznow, přetorhnjenych dodawanskich rjećazow a inflacije, sadźeja rjemjeslniske zawody w regionje na wukubłanje. Porno lońšemu stupaše ličba wukubłanskich zrěčenjow wo 1,4 procenta. „Potrjeba fachowcow w rjemjesle w regionje je wysoka. Tuž sadźichu rjemjeslniske zawody na wukubłanje a tak swoje přichodne fachowe mocy sami wuku­błuja“, praji Andreas Brzezinski, hłowny jednaćel Drježdźanskeje rjemjeslniskeje komory. „Prěnje zawody su hižo nětko zrěčenja z wučomnikami za wukubłanske lěto 2023/24 podpisali. Wukubłanska bilanca lońšeho lěta podšmórnje tež ­wysoku atraktiwitu, ­kotruž rjemjesło na šulskich wotchad­nikow wuprudźuje. Tući wědźa, kotre wuběrne móžnosće karjery wukubłanje skića.