Krajni radźa brunicowych wokrjesow zwjazkoweho ministra jara kritizuja
Budyšin (SN/at). Diskusija wo dočasnym zakónčenju wudobywanja a zmilinjenja brunicy hač do lěta 2030 tež we Łužicy dźeń a rozsudźeniši wothłós wubudźi. Zwjazkowy hospodarski minister Robert Habeck (Zeleni) bě so spočatk noweho lěta za tajki krok wuprajił. Wón pak bě přiznał, zo měli so w konsensu na to dojednać. Mjeztym je diskusija region docpěła. W Delnjej Łužicy wuprajichu so krajnaj radaj a wyši měšćanosta „přećiwo debaće wo wustupje z brunicy w nječasu“.
