Berlin (dpa/SN). Zwjazkowy sejm je dźensa 75. róčnicu załoženja stata Israela wopominał, prawo Israela na eksistencu potwjerdźił a do boja přećiwo antisemitizmej namołwjał. Rěčnicy wšitkich frakcijow gratulowachu Israelej k róčnicy. Přitomnaj běštaj zwjazkowy prezident Frank-Walter Steinmeier a israelski wulkopósłanc Ron Prosor. Hladajo na nowe napjatosće mjez Israelom a Palestinjanami žadachu sej rěčnicy rozrisanje dweju statow na dobro měra w regionje. Israelski stat běchu 14. meje 1948 załožili.

Mjenje kontrolow do Danskeje

Kopenhagen (dpa/SN). Dojězdźowarjo a turisća po puću do Danskeje njetrjebaja wotnětka wjace tak často wupokaz pokazać. Minjenu nóc su wšelake wobmjezowanja zběhnyli, kotrež bě Danska před lětami nawala ćěkancow dla wukazała. Nětko nochcedźa na pomjeznych přechodach hižo tak často kontrolować. Namjezne kontrole při dansko-šwedskej mjezy dospołnje wotpadnu.

Trump so wusudej wobara