Opozicija CDU a CSU ma wusud za wulku plistu amplowej koaliciji

Karlsruhe (dpa/SN). Zwjazkowe wustawowe sudnistwo je za jutře planowane schwalenje wjele diskutowaneho tepjenskeho zakonja w zwjazkowym sejmje w spěšnym sudniskim jednanju zadźeržało. Druhe a třeće wobjednawanje njesmě so w tutym tydźenju přewjesć, najwyše němske sudnistwo wčera zdźěli. Zastupnicy CDU a CSU reagowachu wulce spokojeni a mjenowachu wusud „plistu amplowej koaliciji SPD, Zelenych a FDP“. Politikarjo FDP wobwinowachu w prěnjej reakciji Zelenych.