Berlin (dpa/SN). Zwjazkowa ministerka za wuwiće Svenja Schulze je afriske kraje před zhromadnym dźěłom z Ruskej a prezidentom Wladimirom Putinom warnowała. „Štóž přilubja afriskim kraja tunju rusku pšeńcu a runočasnje ukrainske přistawy žita bombarduje, nochce hłód na swěće přewinyć ale nowe wotwisnosće wutworić“, rjekny politikarka SPD nowinarjam do zahajenja afriskeho wjerška w Pětrohrodźe. Tón njeje po jeje měnjenju ničo druhe hač „PR-show Putina“.

Socialnje słabe dźěći ćerpja

Berlin (dpa/SN). Wosamoćenosć, wučerpanosć a problemy při spanju su po nowym přepytowanju mjez šulskimi dźěćimi na niskim socialnym schodźenku bóle rozšěrjene hač w lěpje stajenych swójbach. Po tym čuje so 32 procentow šulerjow často samych a wuzamknjenych, z přepytowanja chorobneje zawěsćernje DAK wuchadźa. Mjez dźěćimi, kotrež maja swój socialny status za niski, wučinja tutón podźěl samo 50 procentow.

Njepřezjednosć lemjaca