Kijew (dpa/SN). Ukrainske wójsko je po swójskich informacijach na wuchodźe kraja ruske nadběhi wuspěšnje wotwobarało. „Smy w ćežkich wojowanjach“, zdźěli rěčnik generalneho staba Andrij Kowaljow dźensa medijam. Jeničce wčera je tam k 30 wojowanjam dóšło. Po jeho słowach su ruske jednotki njedaloko wsy Synkiwka podarmo spytali, ukrainske zepěranišća přełamać. Ruske wójsko je ze swojej ofensiwu na wjacorych městnach pokročowało, dotal bjez wuspěcha.

Patrioty w Pólskej podlěšić

Berlin (dpa/SN). Zwjazkowe knježerstwo je Pólskej poskićiło, słužbu němskeho lětadła wotwobaraceho systema Patriot w Pólskej hač do kónc lěta podlěšić. Kaž zakitowanske ministerstwo zdźěla, su systemy „wažny přinošk zakitowanja powětroweho ruma na wuchodźe teritorija NATO“. Tři baterije raketow Patriot steja wot januara na juhu Pólskeje njedaloko ukrainskeje mjezy. Poprawom chcychu systemy najdlěje poł lěta nastajić.

Kriminalisća za wotsunjenje