Kathrin Michel zastupuje zajimy Łužicy a Serbow w zwjazkowym sejmje

Budyšin (SN/mb/at). Kathrin Michel wostanje swojej pragmatiskej liniji tež w energijowej politice swěrna: „Móžeš hakle wustupić, jeli sy druhdźe zastupił.“ Jako nowa zapósłanča SPD w zwjazkowym sejmje warnowaše na spočatku aktualneje wólbneje periody před tym, kónc zmilinjenja brunicy wot 2038 na 2030 doprědka sćahnyć, bjeztoho zo je narunanje z wobnowjomnej energiju zaručene. Dokelž změjemy tež w přichodźe „lěto a wjac potrjeby energije, tohodla trjebamy wotpowědnu wukonliwosć dobywanja a składowanja energije“, praješe wona pjatk w rozmołwje z šefredaktorom našeho wječornika Marcelom Braumanom a jeho naměstnikom Axelom Arltom.