Meseberg (dpa/SN). K zakónčenju swojeje klawsury na połčasu wólbneje doby chcyše zwjazkowe knježerstwo na hrodźe Meseberg pola Berlina dawkowe wolóženja za hospodarstwo a sylniši wottwar běrokratije wobzamknyć. Po tutym puću chcedźa předewzaćam w aktualnje słabej konjunkturje pod pažu přimnyć. Zakoń z financneho ministerstwa předwidźi kóždolětne dawkowe wolóženja sydom miliardow eurow za předewzaća.

Za mjenje próstwow wo azyl

Berlin (dpa/SN). Zwjazkowe knježerstwo chcyše dźensa na kabinetnej klawsurje Georgisku a Moldawsku jako wěstej krajej zastopnjować. Azylowe próstwy staćanow tuteju krajow móhli přichodnje spěšnišo wobdźěłać, w naćisku zwjazkoweho nutřkowneho ministerstwa rěka. Próstwy staćanow tuteju krajow wo azyl tuchwilu zwjetša wotpokazaja. To je dźesać procentow wšěch wotpokazanych próstwow scyła. Noworjadowanje móhło k tomu wjesć, zo dochadźa z wobeju krajow přichodnje mjenje próstwow wo azyl.

Zelenskyj wojakow wopominał