Prof. Marc Weller prašenje na konferency wo prawostatnosći w Lipsku načał

Lipsk/Njebjelčicy (SN). Serbske prašenje tematizował je prawiznik Serbskeho sejma na 2. konferency wo prawostatnosći sakskeho knježerstwa wčera tydźenja w twarjenju Zwjazkoweho zarjadniskeho sudnistwa w Lipsku. Wonu mjezynarodnu konferencu je sakske statne ministerstwo justicy a za demokratiju, Europu a runostajenje iniciěrowało, kotruž hromadźe z Lipšćanskej uniwersitu organizuja. Konferenca twori platformu za wotewrjenu wuměnu wo aktualnych prašenjach prawostatnosće w čłonskich statach Europskeje unije a přinošuje ke skrućenju kultury prawneho stata, ministerstwo do toho informowaše.