Tel Aviv (dpa/SN). Po zahubnych terorowych nadpadach islamistiskeje Hamas na Israel je so dźensa nimo wonkowneje ministerki Annaleny Baerbock (Zeleni) tež prezidentka komisije EU Ursula von der Leyen na solidaritny wopyt do Israela podała. Zhromadnje z prezidentku Europskeho parlamenta Robertu Metsolu chce von der Leyen Israelej „solidaritu z woporami terorowych nadpadow Hamasa“ wuprajić, komisija EU zdźěla.

Hotuja so na ewakuowanje

Berlin (dpa/SN). Zwjazkowa wobora so na to hotuje, w nuzy němskich staćanow z Israela do Němskeje přiwjezć. Wothłosujo so z wonkownym ministerstwom su hladajo na najnowšu spiralu namocy mjez Israelom a Palestinjanami „přihotowace prewentiwne naprawy“ zahajili, zakitowanske ministerstwo zdźěla. „W padźe dalšeho přiwótřenja połoženja je jednotka zwjazkoweje wobory za ewakuowanje přihotowana“, w powěsći rěka.

Kandidaturu zaso cofnył