Kubłanišćo swjateho Bena dalši wopor lutowanskeje politiki biskopstwa

Drježdźany/ Smochćicy (SN/MG/BŠe). Něhdyši knježi dwór w Smochćicach je mnohim, wosebje katolskim, ludźom derje znaty. Drježdźansko-Mišnjanske biskopstwo ma tam hižo mnohe lěta swój kubłanski dom. Wšojedne, hač seminary za mandźelstwa, dalekubłanja abo najwšelakoriše zarjadowanja kaž hudźbne swjedźenje Serbskeho ludoweho ansambla – wšo to wučinja tute zarjadnišćo. To ma tež w přichodźe tak być, ale přiwšěm so něštožkuli změni.