Do oficialneho spočatka wólbneho boja prěnje zarjadowanje Zelenych

Kinspork (SN/MG). Je pjatk popołdnju w třoch. Parkowanišćo při Kinsporkskej holi. Jedna z třoch načolnych kandidatow Zelenych za wólby do krajneho sejma w Sakskej, Franziska Schubert, je na ekskursiju do přirody prosyła. To so derje hodźi, wšako chcedźa so Zeleni w tutym wólbnym boju wosebje zaso na swoje „jadrowe temy“ koncentrować, škit wobswěta a klimy hraje při tym wězo centralnu rolu. Poprawom bě Schubert tež zajimowanych wobydlerjow přeprosyła, tych pak wočiwidnje njeje. A tak poda so mała skupinka zelenych aktiwistow, mjez nimi Marija Untchowa, kandidatka za wólby, do krajneho sejma w Budyšinje.

Poprawom wšak so oficialny wólbny bój za sakskich Zelenych hakle kónc tydźenja w Drježdźanach zahaješe. Tam wona praješe, zo ma jeje strona „pozitiwny wobraz wo Sakskej“.