Wiceprezidentka USA Kamala Harris prěnju jězbu wólbneho boja zahajiła

Washington (dpa/SN). Prezident USA Joe Biden chce přichodnu nóc w narěči ameriskemu ludej rozkłasć, čehodla je so wón z boja wo zastojnstwo prezidenta w USA wróćo sćahnył. Tole je 81lětny demokrat na swojej internetnej stronje připowědźił. Jeho naměstnica Kamala Harris, kotraž wojuje nětko město swojeho šefa wo prezidentstwo, dóstawa za swój wólbny bój wjele podpěry.

Narěč Bidena w běrowje Oval Office Běłeho domu planuja w 2 hodź. srjedźoeuropskeho časa. 81lětny pisa, zo chcył rozkłasć, što ma nětko předwidźane a kak chce swoje zastojnstwo zakónčić. Wčera bě so demokrat po infekciji z koronawirusom ze swojeho priwatneho domu w Rehoboth Beach stata Delaware do stolicy USA, Washingtona wróćił.