Serbskim młodostnym je samozrozumliwe, swój hłós wotedać

Budyšin (SN/MG/lmc). Hdyž wothłosuje při simulowanych wólbach sakskeho kruha za dźěći a młodźinu w Budyskim wokrjesu 57 procentow młodostnych za AfD, potom je to sylne znamjo. Namaj bě wone nastork so mjez serbskimi młodostnymi naprašować, hač póńdu woni wolić, a što jich při tym zaběra. Napadnje, zo sej nichtó njezwěri, swoje politiske měnjenje zjawnje zastupować. Druhdy maja samo strach, naprašowanje w kruhu sobušulerjow dale sposrědkować, wšako je situacija politiskeje polarizacije dla hižo dosć napjata.