Zwada w Zhorjelskim sejmiku wo dodatnym etaće w financielnej nuzy

Zhorjelc (AK/SN). Wokrjesaj ze serbskim sydlenskim rumom w Sakskej bědźitej so z pobrachowacymi srědkami za zjawne nadawki. Porno Budyskemu nima Zhorjelski ani metropolu kaž Drježdźany jako susoda, tohodla je połoženje tam hišće ćeše: „Hospodarska situacija Zhorjelskeho wokrjesa je nadal dramatiska. Wón je dale wot přidatneje podpěry Sakskeje wotwisny“, podšmórny krajny rada dr. Stephan Meyer (CDU) srjedu na posedźenju wokrjesneho sejmika.