Ze serbskim poswjećenjom wotewrě zapósłanča regiona swój běrow

Kamjenc (SN/mb). Tři generacije direktnje wolenych zapósłancow CDU za „serbski wólbny wokrjes“ w Sakskim krajnym sejmje běchu wčera popołdnju na Zapadnej w Kamjencu přitomne: prěni raz wolena Elaine Jenčec (30), kotraž je na „dźeń wotewrjeneho běrowa“ přeprosyła, jeje předchadnik Alojs Mikławšk (66) a něhdyši financny minister a ministerski prezident Sakskeje prof. Georg Milbradt (79). Wón bu před 30 lětami w našim regionje direktnje do sejma woleny, doniž njebu Mikławšk jeho 2009 naslědnik. Milbradt běše so hakle wóndano z Ukrainy wróćił, hdźež zarjadnistwa komunow poradźuje.