Schrift vergrößern
Mandźelskaj Dennis a June Jenke w nowembru 2018 na zeńdźenju towarstwa Wend/Sorb Society of South Australia w Adelaide.
Z Awstralskeje je dóšła powěšć, zo je 3. nowembra 2024 w Lobethalu pola Adelaide zemrěł angažowany sobustaw a wjacelětny předsyda serbskeho towarstwa w Južnej Awstralskej, knjez Dennis Jenke, w starobje 94 lět. Wón zawostaji swoju mandźelsku June, syna Marka, dweju wnučkow a prawnučka. Jako swěrny sobustaw lutherskeje cyrkwje namaka swój posledni wotpočink na wosadnym kěrchowje w Lobethalu.
Potomnik serbskeje swójby
W něhdy serbskej kónčinje pola Adelaide je dróha po Jenkec swójbje pomjenowana.
Row Jana Jenki, prjedownika Dennisa Jenki, na kěrchowje w St. Kitts w Barossa-dolinje sewjernje Adelaide. Jan Jenka bě so 1823 w Rakojdach narodźił a 1854 ze swojej swójbu a dalšimi Serbami do Awstralskeje wućahnył. Trudla Malinkowa
Logo serbskeho towarstwa w Južnej Awstralskej pokaza na zelenjacu serbsku lipu, kiž wurosće ze zhromadneho dźěła mjez Łužicu a Awstralskej.
