Berlin (dpa/SN). Braniborska chce w Zwjazkowej radźe přesadźić, zo wostanu renty hač do 2 000 eurow bjez dawkow. Wotpowědnu iniciatiwu je zwjazkowy kraj dźensa w komorje krajow zapodał. Z tym zwoprawdźa kraj žadanje Zwjazka Sahry Wagenknecht (BSW), kotryž w Braniborskej z SPD knježi. Ludźo z rentu 1 500 eurow płaća 432 eurow dawkow wob lěto. Noworjadowanje móhło milionam rentnarjow pomhać, BSW zdźěla.

Merz wo Weidel njerodźi

Berlin (dpa/SN). Kanclerski kandidat CDU/CSU Friedrich Merz je koaliciju z AfD znowa jasnje wuzamknył. Po wólbach zwjazkoweho sejma chcył wón z druhimi stronami rěčeć, rjekny Merz při zetkanju z předsydku AfD Alice Weidel. „Smy so cyle jasnje rozsudźili: Z wami nic“, rjekny Merz w ZDF. Wón chcył „z demokratiskimi stronami politiskeje srjedźizny“ problemy Němskeje rozrisać. Wón mjenowaše FDP, Zelenych a SPD.

Tójšto njezbožow sněha dla