Karlsruhe (dpa/SN). Skóržba wjacorych politikarjow FDP přećiwo solidaritnemu popłatkej w Karlsruhe je zwrěšćiła. Zwjazkowe wustawowe sudnistwo je wotpowědnu próstwu wotpokazało. Zwjazk dyrbi za kóšty znowazjednoćenja Němskeje dale přidatne srědki nałožować, sudnistwo zwěsća. Najebać to dyrbi popłatk po času wobmjezowany wostać. Bychu-li sudnicy přećiwo popłatkej rozsudźili, bychu statej lětsa dochody 13 miliardow eurow pobrachowali.

Přećiwo Hamas demonstrowali

Gaza (dpa/SN). W Gazaskim pasmje su Palestinjenjo wčera za skónčenje wójny a přećiwo tam knježacej Hamas demonstrowali. W spontanych pochodach žadachu sej ludźo w Beith Lahia na sewjeru pasma kónc knjejstwa Hamas. W druhich kónčinach dóńdźe k podobnym protestam. Demonstracije tajkeho razu su w Gazaskim pasmje skerje rědke. Hamas je za to znata, zo dosć raznje přećiwo swojim přećiwnikam postupuje.

Weber kritizuje Turkowsku