Pólski prezident w USA bjez termina pola Joewa Bidena a Donalda Trumpa

Doylestown. Wopyt pólskeho prezidenta Andrzeja Dudy w USA zbudźa w pólskich medijach wulki wothłós. Při tym njeńdźe jenož wo oficialny termin na Hłownej zhromadźiznje UNO, ale tež wo jeho zetkanje z Polakami w USA.

Hłowna přičiny jězby Dudy do USA bě Hłowna zhromadźizna UNO w New Yorku, štož je pólskemu prezidentej winowatostny termin. Nimo statnikow swěta wočakowaštaj Dudu tam – po informacijach jeho kenclije we Waršawje – prezident USA Joe Biden a prezidentski kandidat republikanow Donald Trump.