Sonděrowanja SPD a BSW k móžnej koaliciji z dobrym wuslědkom

Podstupim (dpa/SN). W Braniborskej stej SPD a BSW na dobrym puću k móžnym koaliciskim jednanjam. Ani štyri tydźenje po zahajenju sonděrowanskich rozmołwow chcetej wobě stronje dźensa wuhibki stajić. Sonděrowanskej skupinje wobeju stronow chcetej po informacijach powěsćernje dpa stronskimaj předsydstwomaj doporučić, jednanja zahajić. Nawodnistwje wobeju stron chcyštej dźensa wo tym wuradźować.

Spočatk oktobra běštaj ministerski prezident Dietmar Woidke za SPD a krajny šef Zwjazka Sahry Wagenknecht (BSW) Robert Crumbach sonděrowanja wo móžnej koaliciji zahajiłoj. Woidke a Crumbach hódnoćitaj rozmołwy dotal zasadnje pozitiwnje. Politikarjej znajetaj so dosć derje: Crumbach bě 40 lět dołho socialdemokrat.