Přikładaj ekologiskeho twarjenja
pjatk, 29. apryla 2016
3703
E-Paper: Serbske Nowiny 83
-
wulkosć pisma
Schriftgröße verkleinern
Schrift vergrößern
Stoprocentowski, takrjec nonplusultra-ekologiski dom twarja tuchwilu w Smječkecach. Nastać ma tu tykowana chěža ze starych twarskich maćiznow, štož drje je rědke, ale móžne ekologiske wuchadźišćo. Sćěny wobsteja z dweju worštow. Wonkowna je ze zornowca a nutřkowna z palenych cyhelow. Twarski material pochadźa ze spotorhanych bróžnjow. Tež stare hrjady bróžnjow w nowym domskim znowa zasadźeja. Jeho mějićel je Rolf Bobka z Worklec. Ze swójskim předewzaćom stara so wón zdobom wo tepjenje z wosebitymi ćopłotnymi elementami, kotrež chcedźa na sćěnach a w špundowanju instalować. Přichodny nan Bobki Jurij Matik (na foće) jemu při tym pomha. Wot dna hač k třěše twarja wšitko z recyclingowych materialijow. Tež tule chěžu je Marko Dźisławk planował. Foto: SN/Maćij Bulank
wozjewjene w:
Předźenak
Galerija
Prošu přizjewće so, chceće-li komentar podać
