Stare pohladnicy a měšćanske karty wotkrywaja nam wid na sydlišća, na kotrež smy dźensa pozabyli. Wšako su so napohlady husto dospołnje změnili. Dajmy so tuž wo zašłosći kaž tež přitomnosći překwapić.
Wojerowsku wokolinu su Słowjenjo poměrnje pozdźe wobsydlili. Do toho wšak sydlachu tam germanske kmjeny, na čož pokazuja wurywanki kaž rynka za čoło, namakana w Ptačecach (Tätzschwitz). Wjetšina płoniny pak zwosta pralěs. Hakle wjele pozdźišo, kaž wokoło dźensnišeho Budyšina, w srjedźowěku, za čas wobsydlenja přez serbskich kolonistow w 12. do 14. lětstotka, započachu tam Serbja štomy pušćeć a pódu wobdźěłać. Zwostała je woda, kotraž Wojerecy a wokolinu charakterizuje.
