Wosebite hódnoćenje Jurjej Brězanej

pjatk, 13. oktobera 2017
artikl hódnoćić
(0 )
Gerat Rječka zwjazuje mnohe dopomnjenki na něhdyše domske Dubrjenk čo. 7. Wone słužeše jako model za Dom Jurja Brězana na Čornochołmčanskim dožiwjenskim statoku „Krabatowy młyn“. Před nim ma nastać studnja, za kotruž je předewzaćel na wuměnku Jakub Nowotnik towarstwu „Krabatowy młyn“ pjenježny dar přewostajił.  Foto: Andreas Kirschke Gerat Rječka zwjazuje mnohe dopomnjenki na něhdyše domske Dubrjenk čo. 7. Wone słužeše jako model za Dom Jurja Brězana na Čornochołmčanskim dožiwjenskim statoku „Krabatowy młyn“. Před nim ma nastać studnja, za kotruž je předewzaćel na wuměnku Jakub Nowotnik towarstwu „Krabatowy młyn“ pjenježny dar přewostajił. Foto: Andreas Kirschke

Dubrjenčanske domske Nowotnikec a Rječkec swójby słuša nětko Čornochołmčanskemu towarstwu „Krabatowy młyn“

Gerat Rječka je zahority zahrodkar. Před jeho bydlenskim domom w Dubrjenku so wšitko zeleni. „Hdźež ma bórze trawnik wšitko porosć, steješe něhdy statok z bydlenskim domom, bróžnju a wobrosćenej chódbu“, powěda 63lětny inženjer za zahrodnistwo. „Wšitke tři twarjenja stejachu pod pomnikoškitom. Sym ně­hdyši bydlenski dom Dubrjenk čo. 7 a bróžnju dožiwjenskemu statokej Krabatowy młyn za wužiwanje přewostajił.“ Domske słužeše jako model za dźensniši Dom Jurja Brězana z turistiskej informaciju a rumnosćemi za narodnu drastu, čitanja kaž tež za dźěći a młodostnych. Dom bu w běhu dweju lět natwarjeny a lětsa 13. apryla, zeleny štwórtk wotewrjeny a zjawnosći k wužiwanju přepodaty. „Stołpy durjow, nadwjerno a kamjentne prohi při zachodomaj su originalne“, Gerat Rječka rozłožuje. „Drjewjane hrjady słužachu jako předłoha, njejsu pak do twara integrowane.“ Njeběchu so swój čas w suchim składowali a běchu tuž hižo chětro dodźeržane.

wozjewjene w: Předźenak

Galerija

dalši wobraz (1) Na tymle domskim dopomina pomjatna tafla na dołhe stawizny statoka.
Prošu přizjewće so, chceće-li komentar podać

Serbska debata

nowostki LND