Žorty, skeče, reje a wjele, wjele wjesela

pjatk, 09. februara 2018

4519

E-Paper: Serbske Nowiny 29

artikl hódnoćić

(0 )

wulkosć pisma Schriftgröße verkleinern Schrift vergrößern

Finalny spěw programa Serbskopazličanskeho karnewaloweho towarstwa na 1. kapičkowym wječoru 48. póstniskeje sezony minjenu sobotu w Njebjelčanskej „Bjesadźe“ je hišće raz wšitkich sobuskutkowacych zjednoćił . Do toho běchu woni publikumej skeče, žorty a reje prezentowali, kotrež šěrjachu wulkotnu naladu na žurli. Feliks Haza

Serbskopazličanske karnewalowe towarstwo pisany a wotměnjawy póstniski program zestajało

Fanojo pjateho počasa su tele dny połnje w swojim elemenće. Na njeličomnych zarjadowanjach woni nětko wulce hejsuja. Tež Serbskopazličanske karnewalowe towarstwo je wjeršk swojeje lětušeje, mjeztym 48. sezony docpěło. Hižo minjenu sobotu přeprosy wone na prěni kapičkowy wječor a prezentowaše wopytowarjam hotowy wohnjostroj žortow, pryzlojtych skečow a rejow. Kelko dźěła za tym tči, drje wě najlěpje tón, kiž tajki program sobu zestaja a so na nim wobdźěla. Tak smědźeše publikum hromadźe z princowskim porom Jensom I. a princesnu Silwiju I. dožiwić póstniski program, z kotrymž móžachu hosćo raz wšitke starosće wšědneho dnja pozabyć.

wozjewjene w: Předźenak

Galerija

Tele rjanolinki ze Serbskich Pazlic, Njebjelčic a wot druhdźe njejsu jenož jako škričkowa garda dobru figuru činili, ale tohorunja ze swojej countryjowej reju, z kotrejž publikumej na žurli Njebjelčanskeje „Bjesady“ porjadnje zapyrichu.

Chrystof Mikławšk, Krystof Cyž a Jurij Langa (wotprawa) wusahowachu jako „Bórčate bary“ z přebasnjenym spěwom Uda Jürgensa.

Tójšto aktualneho poćaha měješe skeč „Saxonierow“ w čakanskej rumnosći porjadniskeho zarjada.

wjace z tohole wobłuka: « Za čiłe narodne dźěło skutkował a zasadźa so dale na dobro ... « Filozofiska fabula: Hrajerski dorost zaso eksperimentuje

Prošu přizjewće so, chceće-li komentar podać

k spočatkej