september Z połnej paru twarja we Worklecach pódla tamnišeje sportownje nowy hort za do­hromady 120 městnow. Spočatk šulskeho lěta 2020/2021 ma tón hotowy być. Hižo nětko pak tam rozmy­sluja, kak móhli rumnosće za něšto lět dale wužiwać, hdyž snano hižo telko dźěći njebudźe. Dokelž pak maja we wsy dobre nazhonjenja, kak móžeš žurle a druhe městnosće na rjane bydlenja přetwarić, chcedźa so nětko Szcze­paniakec bratrow z Chrósćic prašeć, hač mataj wonaj někajke ideje, kak móhli hort hinak wužiwać.

awgust

Medije dopominaja na njesměr­nu horcotu zašłeho lěta, jako bědźachmy so tež w Hor­njej Łužicy z temperaturami wokoło 35 stopnjow a wjace. Na to do­po­minać je tež wulce trěbne, wšako je lěćo 2019 wšo druhe hač rjane. Temperatury nic wjace hač 20 stopnjow a nastajnosći dešć mnohim ludźom dowol skepsaja. To drje su němscy wjedrarjo hižo dawno wěšćili, jenož wěrić jim to w Serbach nichtó chcył njeje. Toho­dla je Załožba za serbski lud nětko městno meteorologi wutworiła, kiž ma so wo kmańše wjedro starać.