600 lět Sernjany – zajimawe stawizniske powěsće wo delanskej wsy 7

pjatk, 10. meje 2019
artikl hódnoćić
(0 )
Pohlad na Sernjany z třěchi tamnišeho Cyžec hosćenca. Prědku derje spóznamjomna je nawjes, wokoło kotrejež su chěže we wsy w kole přirjadowane. Započatk twori prědku naprawo Bartlikec-Mejglec statok.  Foto: SN/Maćij Bulank Pohlad na Sernjany z třěchi tamnišeho Cyžec hosćenca. Prědku derje spóznamjomna je nawjes, wokoło kotrejež su chěže we wsy w kole přirjadowane. Započatk twori prědku naprawo Bartlikec-Mejglec statok. Foto: SN/Maćij Bulank

Sernjany swjeća lětsa prěnje pisomne naspomnjenje wsy před 600 lětami. Rodźeny­ Sernjančan a dobry znajer stawiznow delanskich wsow Pawoł Rota je někotre stawizniske zajimawostki wo wsy zestajał, kotrež čitarjam Serbskich­ Nowin we wjacorych dźělach spřistupnjamy­:

Zachowana pastyrnja

Wojnarjec Franc (prawje: Franc Ryćer, najmłódši z wojnarjec štyrjoch hólcow = 1901–1962) bě njewobydlomnu móličku ležownosć srjedź wsy za sebje (z mandźelskej) dosahacu spóznał, gmejnje wotkupił a rozpadanku wottorhawši sej na městnje 1928 wot Rochec twarcow mały domčk natwarić dał. Hewak by Sernjanska pastyrnja zabyta a nawjes trochu wjetša była.­ – Dopominam so hišće na po Druhej swětowej wójnje wobydlenu móličku pastyrnju we Łazku. Dźensa ma na jeje městnje Rawšec swójba mału zahrodku.

Prěni mjez chěžkarjemi

Mjez wjesnymi chěžkarjemi běchu korč­mar, młynk a kowar často po swojim powołanju mjenowani, nic jako chěžkar abo ze swojim swójbnym mjenom. Woni mějachu tež trochu wjace pódy hač druzy chěžkarjo.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND