Jězby po swěće čaja – Nepal, China, Łužica 13

pjatk, 31. meje 2019
artikl hódnoćić
(0 )
Čaj njehodźi so jenož do šalki, ale tež na terasu a balkon. Wosebje w zymje skići rostlina spodobny napohlad, to wona mjenujcy kćěje. Foto: Měrćin Wjenk Čaj njehodźi so jenož do šalki, ale tež na terasu a balkon. Wosebje w zymje skići rostlina spodobny napohlad, to wona mjenujcy kćěje. Foto: Měrćin Wjenk

Mjez dwěmaj krajomaj, kotrejuž mjenje stej kaž žanej druhej z čajom zwjazanej, mjenujcy mjez Chinu a Indiskej, leži, bjezmała zatłusnjeny, Nepal. Je to kraj w horach Himalaje, wosom z dźesać najwyšich wjerškow swěta so tam do njebja pozběhuje, mjez druhim Sagarmatha, lěpje znaty jako Mount Everest. We wuchodźe mjezuja hory a doły Nepala na kónčinu Indiskeje Darjeeling. A kaž we wonych swětosławnych stronach tež we wuchodźe Nepala na nahłych skłoninach horow čaj plahuja. Golden Nepal so tamniši klasikar mjenuje. Je to sylny čorny čaj za wšědny dźeń, kotryž bóle na mócny Assam dopomina dyžli kwětkaty Darjeeling. Ale wudani so tež tamne, rědše čaje z kraja woptać. Hač swojowólny čorny čaj z kónčiny Dhankatu abo słódne zelene a běłe čaje z Ilama – za lubowarjow čaja znajmjeńša Nepal žadyn běły blečk na karće njeje.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND