Tereza Martinowa je z mandźelskim Worklečansku pjekarnju přewzała a ju wuspěšnje do přichoda wjedźe

We wjeskach našeje wokoliny mamy lědma hišće wobchody, kotrež ­poskićeja potrjebu za wšědny dźeń. Tu mamy sej wobstarać we wjetšich nakupowanskich srjedźišćach. Zwostali su we mnohich wjeskach hišće pjekarjo a tych sej wšitcy česća, wosebje na kóncach tydźenja a k wulkim a wjetšim swjatym dnjam. Potom tworja so před pjekarnjemi ­husćišo dołhe rynki čakacych kupcow. Mjeztym je sej tež kóždy ­„swojeho“ pjekarja wupytał a sej toho wudźěłki a poskitk chwali.