Schrift vergrößern
Minakałski hród bu minjene 25 lět ponowjeny. Wjele časa a prócy je wobsedźer Hermann Fuchs za to nałožował. Swójba, přećeljo a regionalne firmy su jeho podpěrali. Cyłkownje 991 jednotliwych twarskich naprawow bě trěbnych, zo so hród wot pincy hač pod třěchu nětko w swojej cyłej pyše pokazuje. Za to je zdźěla tež pjenjezy ze spěchowanskich programow dóstał. Přiwšěm je dale wjele dźěła, zo by so aktualny staw zachował. SN/Michaela Dźisławkowa
Tež dźensa je Minakałski hród ze wšěch stron wot wody wobdaty a steji na dubowych stołpach. Prawdźepodobnje bě južna wěža twarjenja w lěće 1302 jako prěnja nastała. Krok po kroku wobsedźerjo hród dale rozšěrjachu. Wot lěta 1998 jón Hermann Fuchs wobsedźi a je tam mjeztym wjele zeskutkownił.
