Wuslědki (01.06.16)
Wokrjesna koparska liga, stafla I
Póst Budyšin II – Mały Wjelkow 8:2 (6:1)
Wjernarjecy – Radwor 3:3 (2:3)
1. ST Budyšin 25 81 : 30 62
2. Malešecy 25 71 : 29 54
3. Załom 25 74 : 29 47
4. HZ Budestecy 25 72 : 41 47
5. Kubšicy 25 51 : 29 45
6. Radwor 25 60 : 33 40
W derbyju doma podležała
ST Marijina hwězda
– SJ Njebjelčicy 0:2 (0:0)
Zestawa domjacych: O. Schmidt – Wróbl (75. Rab), Škoda, Łušćanski, Lipič, Peschmann, Bělk, T. Jurš, P. Schmidt, Pakoßnick (65. Winkler), D. Jurš
Zestawa hosći: Hahn – Kral, Haška, Hanuza, Hoelzel (32. Kubaš), Cyž, Hommel, Čornak (65. Šołta), Hrjehor, Deleńk, Korjeńk (81. Lejnart)
Před 100 přihladowarjemi přewjedźechu koparjo susodneju sportoweju jednotkow derby. W prěnich mjeńšinach měještaj cyłkaj hišće respekt před sobu a duel wotměwaše so zwjetša w srjedźnym polu. Njebjelčenjo agěrowachu chětro defensiwnje, startowachu pak přeco zaso kontery. Tak přesadźi so Hrjehor we 18. min. na prawej stronje a zwrěšći na wuběrnje reagowacym wrotarju Oliveru Schmidće. Dwě mjeńšinje pozdźišo posłuži Bělk Dawida Jurša. Tón pak steješe w nimohrě, jako wrotarja Hahna přezběhny. Při wólnym kopje Škody ze zdalenosće 40 metrow běše Hahn znowa na městnje (36.). Hóstni koparjo wustupowachu z wulkej taktiskej disciplinu a mějachu přez Korjeńka do přestawki hišće dwě móžnosći.
Wuslědk kaž na třělnišću docpěli
SJ Chrósćicy
– FSV Łuty 9:0 (4:0)
Zestawa domjacych: Králíček – Schulze, Teichmann, Šafář (46. Zahrodnik), Bětnar, Žur, Runt, Domaška, Dórnik, Věchet (62. Latkolik), Šmit (46. Młynk)
Njedźelu drje njebě kermuša w Chrósćicach, wrota pak padachu na tamnišim sportnišću kaž na třělnišću. Při horcych temperaturach a smalatym słóncu pokazachu Chróšćanscy koparjo wšu swoju radosć při honjenju za bulom. Hnydom w 2. min. dobra přihrawka Dórnika na Věcheta, tón pak dołhi kut snadnje misny. Krótko na to šmórny pospyt hosći tež wo centimetry nimo wrotow Králíčeka. Wotnětka pak so hra nimale jenož we Łutowskej połojcy wotměwaše. Wólny kop, kotryž bě Domaška wysoko do šěsnatki přinjesł, zhłójčkowa samlutki stejacy Věchet bjez problema k 1:0 do saka (13.). Jenož mjeńšiny na to sej „Rudi“ Věchet štyrjoch škitarjow do rejki prošeše, zarejowa jim suk do nohow a k tomu hišće kulowatu kožu w klětce zaměstni (19.). A dokelž so jemu runje derje hraješe, sčini jeno sekundy na to hattrick perfektny. Runt bě Věcheta wulkotnje posłužił, a tón na 3:0 zwyši (21.). Krótko do połčasa postara so Žur z niskej trělwu do dołheho kuta wo štwórte wrota (43.).
Faworit wojować dyrbjał
TSV Wachau
– Sokoł Ralbicy/Hórki 1:3 (1:0)
Zestawa hosći: Gloxyn – Matka (46. Bejma), S. Bjeńš, B. Bjeńš, von Köding, Šewc, Wałda (75. Kurjat), Lulak, Šołta, Bejmak, Domaška
Delanscy koparjo nastupichu přećiwo cyłkej, kotryž hraješe bjeze wšeho ćišća, wšako z wokrjesneje wyšeje ligi zestupi. Konstelacija běše tuž jasna a Sokoł wězo faworit. We 8. min. dósta so bul po stacijach Šołta a Domaška k Bejmakej, kiž pak předołho přemyslowaše. Tak bu wot škitarja při jasnej móžnosći blokowany. Na to so hižo wjele njesta. Domjacy sćahnychu so do swójskeje połojcy a Ralbičenjo njemějachu městno za kombinacije. Wachaučenjo pak hrajachu jara robustnje a klakachu so do kóždeho dwuboja. Zmylk Gloxyna wjedźeše w 24. min. k nawjedowanju hosćićela. W šěsnatce chcyše wón bul Matce přihrać, ale srjedźopólny hrajer to čuješe a sej bul doběža. Matka spyta hišće wrotam zadźěwać, běše pak bjezmócny.
Wuslědki (31.05.16)
Wokrjesna koparska liga, stafla III
Frankenthal – Němske Pazlicy 2:1 (2:1)
Marijina hwězda – Njebjelčicy 0:2 (0:0)
1. Ottendorf/Liegau 23 60 : 22 56
2. Frankenthal 23 68 : 32 55
3. Großnaundorf 23 66 : 31 48
4. Arnsdorf 24 58 : 27 42
5. Großröhrsdorf II 23 43 : 28 42
6. Njebjelčicy 24 46 : 36 38
7. Haselbachtal 24 53 : 54 38
8. Marijina hwězda 23 67 : 46 36
9. Sepicy 23 58 : 57 32
10. Němske Pazlicy 23 36 : 49 27
31. Hušćanski běh so wotměł
Pjeć serbskich starterow na podestnych městnach
Hač do lěta 2013 wjedźechu jednotliwe čary wšitke po pućikach krasneho Hušćanskeho hrodoweho parka, a tam běštej zdobom tež start a cil. Dokelž pak sej to wobsedźer hrodu a parka wjace njepřeje, stej započatk a kónc wšitkich běhow nětko na hłownej wjesnej dróze při wulkej Hušćanskej sportowni.
Cyłkownje je lětsa 281 běharkow a běharjow na 1,0 km, 2,0 km, 7,3 km a 14,6 km swoju spěšnosć a wutrajnosć měriło. Wjetšina aktiwnych běše ze Sakskeje, někotři z Braniborskeje. Wubědźowanja hódnoćachu so za rjadnu lisćinu Wopačanski cup běharjow.
Na 7,3 km rěkaštaj cyłkownaj dobyćerjej Malte Kreibich z Riesy a Annett Schröter-Heideläufer. Ze serbskimi starterami wuwojowachu sej na tejle distancy w swojej starobnej skupinje złote podestne městno Manuela Jurkowa z Łupoje (sk 30-34) a Jurij Nuk z Budyšina bronzowe městno (sk 80-84). Wón běše druhi najstarši běhar; nimo toho běše to hižo jeho 27. start w stawiznach Hušćanskeho běha.
8. raz wokoło Bjerwałdskeho jězora
Wosmy króć su so běharjo wokoło Bjerwałdskeho jězora wubědźowali. Cyłkownje 450 atletow startowaše tam na jednej z distancow 0,8 km, 3 km, 5 km, 10 km a 21,1 km.
Wurisanje na 5 km skónči šulerka Serbskeho gymnazija Budyšin Larissa Měrćinkec na druhim městnje, štož běše w jeje starobnej skupinje U 14 tohorunja 2. městno. Na 10 km wuwojowaštej sej serbskej běharce w swojej starobnej skupinje (sk) samo dobyće. Beata Čórlichec z Němcow bu cyłkownje štwórta, Manuela Jurkowa z Łupoje jědnata. Roman Měrćink z Baćonja doběža w sk 20 jako druhi do cila a Syman Žur z Budyšina w samsnej sk jako pjaty. Wuběrnje a wutrajnje su serbscy starterojo tež w ćežkim połmarathonje 21,1 km wojowali. Klawdija Hejdušcyna z Hory přeprěči jako druha žónska cil, a jeje čas woznamjenješe dobyće w sk 40. W sk 20 wuwojowa sej Jakub Čórlich z Němcow 5. městno a Handrij Bejmak z Budyšina w sk 50. Jan Krawc z Hrubjelčic docpě 17. městno w sk 40. Jurij Nuk
Koparjo a fanojo přećiwnika so njemóžnje zadźerželi
FC Łužica Wojerecy
– Sokoł Ralbicy/Hórki II 2:3 (1:2)
Zestawa hosći: J. Bjeńš – M. Matka, Materne, Serbin, T. Matka (65. Krawc), Rawš, Šwejda, J. Matka, Čornak, Jakubaš, Kurjat
Widźał, słyšał, napisał (30.05.16)
Awtor dźensa
Stefan Šmit
Mustwa prěnjeje do štwórteje koparskeje ligi maja hižo lětnju přestawku. Nětko je chwile so skónčnje po strapacach dołheje sezony wočerstwić. Neugersdorfski FC haji mjeztym wašnje, zo poda so prěnje mustwo po poslednjej hrě zhromadnje do dowola. Cil je lětsa znowa kupa Mallorca. Zaměr jězby je, w tej zestawje hišće raz na sezonu zhladować a mustwowu zhromadnosć hajić. Tónkróć so tež z někotrymi hrajerjemi rozžohnuja. Nimo mjeztym sławneho Jana Nezmara wopušćitej Max Höhne a wjelelětny kapitan mustwa Jiří Šisler FC Hornju Łužicu. Posledni mjenowany pak móhł snano tež w přichodnej hrajnej dobje we Łužicy za bulom honić. Po mojich informacijach mjenujcy ma Budissa Budyšin wulki zajim na jeho kmanosćach. Jednanja mjez towarstwom a 31lětnym srjedźopólnym hrajerjom běža.
Wuslědki (30.05.16)
Wokrjesna wyša koparska liga
Wachau – Ralbicy/Hórki 1:3 (1:0)
Chrósćicy – Łuty9:0 (4:0)
1. Chrósćicy 31 78 : 30 72
2. Hory 30 76 : 36 59
3. Ralbicy/Hórki 30 70 : 33 55
4. Großröhrsdorf 30 78 : 55 55
5. Rakecy 30 66 : 46 54
6. Hnašecy 30 68 : 41 49
7. Póst Budyšin 31 74 : 66 46
8. Ćisk 30 66 : 56 44
9. Kumwałd 30 78 : 67 43
10. Połčnica 30 55 : 56 40
11. Ramnow 30 58 : 74 40
12. Bukecy 30 59 : 77 38
13. Kinspork 30 61 : 64 32
