SV Großnaundorf
– ST Marijina hwězda 2:2 (1:1)
Zestawa hosći: O. Schmidt – Wróbl, Łušćanski (21. Škoda), T. Jurš, Lipič, Langer, Hawš, Bělk, P. Schmidt, Winkler, D. Jurš
W spočatnej fazy měještej koparskej cyłkaj tójšto mjezsobneho respekta. Hraještej zwjetša jenož w srjedźnym polu. Domjacy spytachu so na to z dołhimi třělwami přesadźić. Runje tajka scena wjedźeše ke Großnaundorfskemu nawjedo- wanju 1:0 (18.). K wšemu njezbožu přidruži so hišće dalše. Krótko po zastatku zrani so Łušćanski na kolenu. Tak bě trenar Tobias Škoda hižo w 21. min. nuzowany defensiwu přestajić. Tři mjeńšiny pozdźišo měješe Bělk wulku móžnosć k 1:1. Foulowu jědnatku, kotraž bu na Tomašu Juršu zawinowana, pak njezamó wón přetworić. Wurunanje poradźi so tola hišće, a to w 28. min. Dawid Jurš bě z niskej třělwu wrota trjechił. Dwě mjeńšinje po tym wuznamjeni so Oliver Schmidt z wulkotnej paradu, jako běžeše domjacy nadběhowar sam na jeho wrota.
Wokrjesna koparska liga, stafla III
Großnaundorf – Mar. hwězda 2:2 (1:1)
Arnsdorf – Sepicy3:1 (1:0)
Kamjenc II – Wóslink/Skaskow 2:1 (1:0)
Němske Pazlicy – Großharthau 1:0 (0:0)
Großdrebnitz – Ottendorf 0:4 (0:3)
Haselbachtal – Frankenthal 0:1 (0:0)
Njebjelčicy – Hlinowc 1:1 (1:1)
1. Frankenthal 9 21 : 13 22
2. Arnsdorf 9 28 : 8 20
3. Ottendorf/Liegau 9 20 : 9 20
4. Großröhrsdorf II 9 16 : 9 17
5. Großnaundorf 10 32 : 16 16
6. Njebjelčicy 10 21 : 17 15
7. Hlinowc 8 20 : 12 14
8. Němske Pazlicy 9 12 : 11 14
9. Marijina hwězda 9 26 : 21 12
10. Kamjenc II 9 11 : 21 12
11. Haselbachtal 10 21 : 26 10
12. Sepicy 9 19 : 31 9
13. Großharthau 9 14 : 24 6
14. Großdrebnitz 10 7 : 37 6
15. Wóslink/Skaskow 9 14 : 27 4
Sokoł Ralbicy/Hórki
– Módro-běli Kulow 2:0 (1:0)
Zestawa Ralbicy: Gloxyn – Wałda, F. Bejma (70. T. Bejma), B. Bjeńš, Lulak, Šołta, Kurjat (61. B. Bejma), Schultz, Korjeńk, S. Bjeńš, von Köding (86. Kř. Matka)
Zestawa Kulow: Kliemank – Pohl, Lohan, Korch, Žur, Popela, Wittek, Pfennig, Thomas, Grofa, Kubaink (77. Mattick)
Z postajenym terminom hry běchu Kulowscy koparjo jara njespokojom. Wšako mějachu wčera w Kulowje a Salowje swoje tradicionalne rańše piwko k zazběhej karnewaloweje sezony. Chcychu partiju tuž přesunyć, trenar Waldemar Adamowicz pak měnješe, zo njeje to trjeba. Při wšej nastatej njetrjebawšej šmjatańcy mějachu so prašeć: Chcemy sportować abo so zabawje wěnować?
SC 1911 Großröhrsdorf
– SJ Chrósćicy 2:2 (0:2)
Zestawa hosći: Králíček – Pöpel, Šiman, Šafář, Schulze, Šmit (65. Šołta), Runt, M. Zahrodnik, Młynk (80. Dehn), Žur, Bogusz (77. Budar)
Do hry sej Chróšćanscy koparjo prajichu, zo móhli z dypkom pola sylneho cyłka w Großröhrsdorfje spokojom być. Přiwšěm woni po hrě tak prawje njewědźachu, hač dyrbja so wjeselić abo mjerzać. Hač do połčasa běžeše wšitko po planje. Defensiwa wěsće steješe a jenož mało dowoli. W ofensiwje staraštaj so wosebje Šmit a Runt wo wulkotne přihrawki. Tak padny po 21 mjeńšinach zasłužene nawjedowanje. Šmit pósła Bogusza do šěsnatki, Bogusz wotpołoži bul před wrotarjom Młynkej, kiž jón zaso prěki k Šmitej suny. A jeho wótru třělwu njezamó wrotar wotwobarać. Jenož krótko na to doběža sej Žur wuběrnu přihrawku sylneho Šmita a hraješe prěki před wrota k Boguszej, kiž trjechi k 2:0 wěsće do saka (29.). Na stronje domjacych so ničo naspomnjenjahódneho njesta. Krótko do přestawki měješe Žur hižo třeće wrota na noze. W duelu přećiwo wrotarjej pak wosta přěhračk.
Volleyballowej žonjacej zastupnistwje ST Marijineje hwězdy a dźiwje micki z Worklec přewjedźechu sobotu serbski derby w Pančičanskej sportowej hali.
Worklečanki parowachu nažel někotre stajne hrajerki, štož so widźomnje na kwalitu wukona wuskutkowa. Domjace móžachu z połneho čerpać, třeće zastupnistwo pak tójšto dorosta w swojich rjadach prezentowaše.
ST Marijina hwězda II – ST Marijina hwězda III 2:0 (25:19, 25:16)
Trenarka Daniela Kralec bě swoje chowanče derje na hrajnu dobu přihotowała. Marijina hwězda II spjelni wšitke wočakowanja a so přećiwo třećemu zastupnistwu Pančic-Kukowa jasnje přesadźi. Z dobyćom wutwori sej dobre wuchadźišćo za dalšej hrě dnja.
ST Marijina hwězda II – Viktoria Worklecy 2:0 (25:22, 25:20)
Spočatk nowembra zahaji so w Barće 26. sezona w mixvolleyballu na hobbyjowej runinje. Prěni raz wobdźěleja so nětko tež Barćenjo na dypkowych hrach.
Budyskej FSG zešlachći so optimalny start, a to přećiwo měšanemu mustwu z Chróstawy. Přez strašne nadaća Johna Petrika a Pětra Blümela nawjedowaše FSG w prěnjej sadźbje jasnje z 13:7. Tola kwalita přijimanjow nadaćow so tak pohubjeńši, zo dosahaše na kóncu jenož k snadnemu 25:23. W druhim přechodźe widźachu přihladowarjo hač k 20:20 wurunanu partiju. Po 15 mjeńšinach hrajneho časa juskachu Chróstawčenjo, přesadźiwši so z 25:21. Slědowaše rozsudna sadźba, w kotrejž běchu FSGnicy stajnje w zastatku. Při stawje 9:13 wupadaše za jasnej poražku, ze sylnym kónčnym spurtom pak hišće na 14:14 wurunachu. W tutej napjatej fazy njeměješe amtěrowacy wicemišter trěbne zbožo, zo přichodnej dypkaj woteda a tak hru z 1:2 přěhra. Chróstawscy sportowcy běchu w lěće 2008 hižo raz wokrjesny mišter, hrajachu po tym sydom lět na wobwodnej runinje a po rozpadźe činja to nětko zaso pola mixvolleyballistow.
We wobłuku njedawneho wuhódnoćenja a mytowanja lětušeje hornjołužiskeje rjadneje lisćiny Wopačanski cup běharjow, přewjedźechu w Biskopicach do toho druhi króć wosebity běh ze zadźěwkami po tamnišim sportowym arealu a w měšćanskim lěsu. Na štyri kilometry dołhim kołokursu z 15 zadźěwkami wubědźowaše so nimale 200 atletow, mjez nimi tež někotři Sebja. Běharjo měrjachu spěšnosć, wutrajnosć a wosebje tež wušiknosć na štyrjoch abo samo wosom kilometrach. Na 8 km dyrbjachu kołokurs dwójce zmištrować – potajkim z cyłkownje 30 zadźěwkami. Tam je so 25lětny Jakub Čórlich z Němcow sobu wubědźował, a to samo wurjadnje. Wón ćežke wurisanje w spěšnych 31:22 minutach suwerenje doby, za čož jeho wosebje počesćichu. Hesło běha rěkaše „Schiebock läuft Extrem!“.
Wokrjesna wyša koparska liga
Bukecy – Kinspork2:2 (2:1)
Großröhrsdorf – Chrósćicy 2:2 (0:2)
Póst Budyšin – Wjelećin 8:1 (4:0)
Połčnica – Hory0:3 (0:2)
Hnašecy – Wachau7:1 (4:1)
Kumwałd – ST Ćisk6:1 (4:1)
Łuty – Rakecy0:4 (0:0)
Ralbicy/Hórki – Kulow 2:0 (1:0)
1. Chrósćicy 12 29 : 6 32
2. Hory 11 37 : 8 26
3. Kumwałd 11 32 : 14 23
4. Hnašecy 11 27 : 13 20
5. Ralbicy/Hórki 11 25 : 11 19
6. Rakecy 12 23 : 17 19
7. ST Ćisk 11 25 : 22 19
8. Großröhrsdorf 12 20 : 24 19
9. Póst Budyšin 12 28 : 27 16
10. Ramnow 12 25 : 25 16
11. Połčnica 12 20 : 19 13
12. Kinspork 12 19 : 26 12
13. Kulow 11 16 : 20 9
14. Bukecy 11 12 : 27 8
15. Wjelećin 11 16 : 37 7
16. Łuty 11 10 : 40 7
17. Wachau 11 15 : 43 4
Sudnik Meyer přednošuje
Wšitcy sudnicy Zapadołužiskeho koparskeho zwjazka a zamołwići za wobkedźbowanje sudnikow su srjedu, 11. nowembra, do Budyšinka přeprošeni. We 18 hodź. přewjedu tam 3. wukubłanske zarjadowanje w hrajnej dobje 2015/2016. Přednošować budźe Florian Meyer, sudnik zwjazkoweje koparskeje ligi.
Wjacore derbyje volleyballa
W Pančičanskej sportowni budu jutře, sobotu, hnydom wjacore volleyballowe derbyje wokrjesneje klasy žonow. Wot 10 hodź. hraja tam w hodźinskim takće Marijina hwězda II – Marijina hwězda III, Viktoria Worklecy – Marijina hwězda II, Marijina hwězda III – Viktoria Worklecy a hišće raz Marijina hwězda III – Marijina hwězda II. Naposledk mjenowana partija budźe zdobom wróćohra.
Prěni hrajny dźeń
Jutře, sobotu, wotměje so we Wojerowskej VBH-arenje na hasy Lieselotty Hermann prěni hrajny dźeń we volleyballowej wokrjesnej klasy muži – stafla sewjer. Mustwo Viktorije Worklecy II nastupi tři razy, a to přećiwo OSSV Kamjencej, Módro-běłym Wojerecy IV a Módro-běłym Wojerecy V.
Za turněr so přizjewić