Nawjedowanje z ruki dali
FSV Budissa Budyšin – Hertha BSC II 2:3 (2:0)
Zestawa domjacych: J. Jakubov – Patka, Klippel, Pfanne, Čermák, Rosendo, Hoßmang, Hausdorf, Hansch (67. Reher), Walther, Salewski (80. Kral)
Za poslednju domjacu hru lěta 2015 su sej koparjo Budissy Budyšin předewzali, zo přećiwo mustwu U23 Herthy BSC dobudu. Zymne a pancate wjedro postara so wo słabu kulisu 325 přihladowarjow. W prěnim połčasu so předewzaće Budissy połnje poradźi. Hertha bě drje hrajersce lěpši cyłk, před šěsnatku pak jón škit hosćićela přeco zaso zadźerža. Wo wšo dalše staraše so wrotar Jakub Jakubov. Hižo w 16. min. domjacy 1:0 nawjedowachu. Pavel Čermák bě wrota spřihotował a Paul-Max Walther trjechił. Po něhdźe poł hodźinje měješe třělc prěnich wrotow dalšu móžnosć. Wón pak so na trawniku wobsuny a třělwa smaleše snadnje nimo wrotow. W 41. min. Jakubov bul daloko wotkopny a Walther trjechi z třělwu do dołheho kuta k 2:0. Wjeselo w Budyskich rjadach bě wězo wulke.
Direktny konkurent jasnje přewinjeny
ST Wětnica/Hola – Sokoł Ralbicy/Hórki II 0:5 (0:2)
Zestawa hosći: Cyž – Zynda, Matka, Serbin (74. Šěn), F. Šołta (70. Kobalc), D. Šołta, T. Bejma, F. Bejma, B. Bejma, Kurjat (74. Róbl), Materne
Dokelž bu hra prěnjeho mustwa Sokoła Ralbicy/Hórki w Ćisku wotprajena, to delanska rezerwa wuži a so z Bejmic trójku a Dirkom Šołtu zesylni. Chcychu pola direktneho konkurenta połnje dypkować. Wětničenjo so hnydom hłuboko do swójskeje połojcy wróćo sćahnychu. Hosćo hru jasnje diktowachu a tak běše jenož prašenje časa, hdy prěnje wrota padnu. W 24. min. přihra Dirk Šołta bul Měrćinej Kurjatej, kiž do swobodneho ruma zaběža a kulowatu kožu do dołheho kuta z dwaceći metrow k 0:1 přetwori. Krótko po tym docpě Kurjat swoje druhe wrota dnja. Bejmic bratraj Tomaš a Bosćij wuhraštaj Wětničanski škit a Měrćin Kurjat njeměješe ćeže, sam před wrotami 0:2 (32.) docpěć. Zo steješe k połčasej jenož 0:2 tež na tym zaležeše, zo Ralbičenjo tójšto šansow ležo wostachu. Na přikład Markus Serbin a Bosćij Bejma. Wočiwidnje mějachu Sokoljo 85 procentow hrajneho podźěla a Tomaš Cyž we wrotach běše dospołnje bjezdźěłny.
Dźiwje micki wuspěšne
Fünfstück přestanje
Widźał, słyšał, napisał (30.11.15)
Hladajo na koparske hrajnišća bližimy so dale a bóle zymskej přestawce. Myslu sej, zo so mjezybilanca hižo hodźi. Na zwjazkowej runinje hraje wšitko do kartow Bayerow z Mnichowa. Wočakowanu rólu, so z faworitam stać, su woni wurjadnje spjelnili. Bilanca móže so woprawdźe pokazać dać. Dotal ani jónu přěhrali njejsu. Respekt! Tež přećiwo jeničkemu konkurentej, mustwu z Dortmunda, su jasnje dobyli. Předskok wosom dypkow dyrbi cyle jednorje za dalše němske mišterstwo dosahać. Sym sej woprawdźe wěsty, zo tomu tak budźe. Nadźijam so tež, zo změja w přichodnych měsacach na mjezynarodnej runinje samsne a zdobom wuspěšne wukony. Cil za Guardiolowe mustwo móže jenož być, zo finale w kralowskej champions league docpěje.
Wuslědki (30.11.15)
Regionalna koparska liga
Luckenwalde – Nordhausen 1:4 (1:2)
BFC Dynamo – Neugersdorf 2:1 (1:0)
Rathenow – Neustrelitz 0:2 (0:0)
Auerbach – Halberstadt 4:1 (1:1)
Budissa Budyšin – Hertha BSC II 2:3 (2:0)
Meuselwitz – Berlinski AK 1:1 (0:1)
FC Viktoria – RB Lipsk II 1:1 (1:0)
Schönberg – Babelsberg 03 1:5 (0:1)
Jena – Zwickau0:1 (0:0)
1. Nordhausen 16 35 : 13 37
2. Zwickau 16 30 : 11 34
3. BFC Dynamo 16 38 : 26 33
4. Jena 16 21 : 6 32
5. Berlinski AK 16 23 : 9 32
6. Babelsberg 03 16 22 : 8 29
7. Neugersdorf 16 25 : 18 28
8. Auerbach 17 29 : 23 28
9. Neustrelitz 17 25 : 22 24
10. Budissa Budyšin 16 26 : 19 21
11. Meuselwitz 16 19 : 25 19
12. Hertha BSC II 16 22 : 30 19
13. Schönberg 16 19 : 23 15
Wokrjesna liga, stafla I
Malešecy – HZ Budestecy 5:1 (2:0)
Hodźij – Mały Wjelkow 0:1 (0:1)
Załom – Wulka D./Minakał 5:2 (3:1)
ST Budyšin – Hnašecy II6:2 (2:1)
Póst Budyšin II – Kubšicy 3:1 (1:1)
Porchow – Wjazońca 1:3 (1:3)
1. ST Budyšin 12 44 : 16 34
2. HZ Budestecy 12 38 : 23 24
3. Wóspork 12 19 : 19 23
4. Malešecy 12 32 : 20 22
5. Załom 12 35 : 18 21
6. Radwor 11 25 : 12 21
7. Kubšicy 12 21 : 17 20
8. Wjazońca 12 25 : 32 17
9. Wjernarjecy 12 24 : 22 14
10. Porchow 12 31 : 41 13
11. Wulka D./Minakał 12 24 : 23 12
12. Póst Budyšin II 12 28 : 32 12
13. Mały Wjelkow 12 19 : 49 9
14. Hodźij 12 13 : 29 8
15. Hnašecy II 11 15 : 40 7
Wokrjesna liga, stafla II
Bluń – Njeswačidło1:2 (1:1)
Lubuš – Hórnikecy2:3 (2:1)
Wětnica/Hola – Ralbicy/Hórki II 0:5 (0:2)
FC Łužica – Rakecy II0:0 (0:0)
Nowe Město II – HZ Łaz 2:1 (1:0)
N. Hrabowka – Hory II 2:2 (1:2)
Wojerecy 1919 – Šćeńca8:0 (4:0)
1. FC Łužica 13 28 : 11 28
2. Wojerecy 1919 12 33 : 12 26
3. Rakecy II 11 33 : 6 24
4. HZ Łaz 12 19 : 12 23
5. Bluń 12 26 : 18 18
6. Njeswačidło 11 29 : 23 18
7. Lubuš 12 26 : 26 18
8. Nowe Město II 12 31 : 23 17
9. N. Hrabowka 12 28 : 20 16
10. Hory II 12 25 : 21 16
11. Hórnikecy 12 18 : 25 15
12. Ralbicy/Hórki II 12 21 : 28 13
13. Wětnica/Hola 13 19 : 49 11
Sport (27.11.15)
Viktoria doma hraje
We volleyballowej wobwodnej lize wuchodneje Sakskeje Viktoria Worklecy jutře, sobotu, doma hraje: w 14 hodź. přećiwo VfB Zhorjelcej a w 16 hodź. přećiwo TuS Niskej. Z dobyćomaj móhła načolnistwo wobwodneje ligi přewzać.
Dźěći na flizzy-dźeń prošene
Lětuši flizzy-dźeń wokrjesa Budyšin za pěstowarske dźěći wotměje so wutoru, 2. decembra wot 8.30 hodź. w Biskopičanskim sportowym parku Wesenitz. Flizzy-team Budyskeho wokrjesneho sportoweho zwjazka je sej 110 dźěći z kubłanišćow w Biskopicach přeprosył. Flizzy je mjeno dźěćaceho sportoweho znamješka.
Volleyballowy camp
Holcy a hólcy w starobje 9 do 11 lět su 5. decembra wot 9 do 20 hodź. na cyłodnjowski volleyballowy camp w Budyšinje přeprošeni. Wobdźělenje je darmotne. Zajimcy njech so hač do 3. decembra přizjewja, a to pola MSV Budyšin 04.
Serbski Sokoł namołwja
Pokal na přeco sej zawěsćili
Sydom volleyballistow ST Marijineje hwězdy je přeprošenje na 18. nazymski turněr SSV 1862 Langburkersdorfa w sakskim Neustadće sćěhowało. Poprawom bě wobdźělenje Pančičanow winowatosć, wšako su woni turněr minjene tři lěta za sobu dobyli a běchu tak zakitowar pućowanskeho pokala. A nětko móhli sej pokal na přeco sobu wzać.
Na lětušim turněrje wobdźěli so dwanaće mustwow. Wotprajiłoj běštej sobufaworitaj Crazy blues a WSG Stürza. To pak njerěkaše, zo bě předkoło za Marijinu hwězdu mědlizanje. Hnydom prěnju sadźbu woni přěhrachu, přichodnu wšak z wulkim předskokom dobychu. Tež w druhej hrě dnja mějachu spočatne ćeže, tak zo dosahaše w prěnim přechodźe jeno za njerozsudny wuslědk. Dalši přechod a slědowace tři hry předkoła pak suwerenje za sebje rozsudźichu.
Skepsana delanska kermuša
Sokoł Ralbicy/Hórki II – Łužica Wojerecy 0:5 (0:2)
Zestawa domjacych: Cyž – Bogusz, Zynda, Róbl, Bejmak (46. M. Matka), Čórlich, Materne, Nuck, G. Kurjat (46. M. Kurjat), Kobalc, K. Matka
Špatneho wjedra dla nastupištej koparskej mustwje delansku kermušnu njedźelu na twjerdym hrajnišću. Štóž sej mysleše, zo budźe to lěpšina za domjacych, so myleše. Wojerowčenjo běchu derje nastajeni a mała skupina fanow jich wótře podpěrowaše.
Spočatnje běše hra wurunana, ale tomu bě hižo husto tak. W prawym wokomiku pak hosćo jenož na zmylki Sokołow łakachu. W 20. min. njemóžeše wrotar Tomaš Cyž bul kruće dźeržeć a Ralbičanski škit połoži sej bul sam do klětki. Po poł hodźinje misny wólny kop Symana Bogusza wrota hosći. Dalša składnosć Křesćana Bejmaka běše přesłaba. W 43. min. wuhra Gabriel Kurjat hnydom třoch škitarjow hosći, před klětku pak jemu čuwy zaprajichu – a to z fatalnej konsekwencu. Konter bu spěšnje wuhraty a Łužica z 0:2 nawjedowaše.
Budyska FSG znowa wokrjesny mišter seniorow
Na wokrjesnych volleyballowych mišterstwach seniorow, staršich hač 50 lět doby Budyska FSG wšitke partije z 2:0 a zakitowaše tak titul. Volleyballisća z Chrósćic běchu prěni raz pódla a wobsadźichu 6. městno.
