Wukon sobuskutkowacych na duchownym oratoriju jara poradźeny

pjatk, 19. meje 2017
artikl hódnoćić
(0 )
Solisća, chóry a orchester předstajichu oratorij „Serbske jutry“ w Drježdźanach a w Budyšinje.  Foto: SN/Maćij Bulank Solisća, chóry a orchester předstajichu oratorij „Serbske jutry“ w Drježdźanach a w Budyšinje. Foto: SN/Maćij Bulank

„Serbske jutry“ w Drježdźanach a Budyšinje zaklinčeli

W lěće 2013 zaklinča duchowny oratorij „Serbske jutry“ prěni raz w Chróšćanskej wosadnej cyrkwi. Twórba nasta w nadawku Towarstwa Cyrila a Metoda składnostnje 150. róčnicy załoženja zwjazka a časopisa Katolski Posoł. Prěni mejski kónc tydźenja dožiwichu připosłucharjo nětko dalšej předstajeni w Drježdźanskej katedrali a w Budyskej tachantskej cyrkwi. Koncertaj, zdobom hudźbnej nyšporaj, běštej wuběrnje wopytanej a žně­ještej dobry wothłós publikuma.

Kaž hižo na prapremjerje nawjedowaše Friedemann Böhme nimale 150 sobuskutkowacych. Wulki chór zjednoći spěwarjow Chróšćanskeho, Njebjelčanskeho a Wotrowskeho cyrkwinskeho chóra, chórow Budyšin, Delany, Meja, Lilija a Serbskeho ludoweho ansambla. Instrumentalisća běchu tónraz čłonojo orchestra­ SLA a lajscy hudźbnicy.

wozjewjene w: Kultura & wuměłstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND