Hinc Cuška z Budyšina wo aktualnym wusyłanju magacina „Wuhladko“ piše:
Ze zajimom sćěhowach přinošk wo rozsudźe předsydy Domowiny Dawida Statnika, w Budyskim wokrjesnym sejmiku za namjet AfD hłosować. Chětro so dźiwach, zo rjad profilowanych serbskich wosobow wotpokaza, so zjawnje k tomu zwuraznić. Měnju, zo smě tež předsyda Domowiny po swojim přeswědčenju stronje přisłušeć, zo njesměł so pak we wšěm stronskej disciplinje kłonić.
