Dr. Měrćin Wałda z Njeswačidła wupraja so k interviewej SN z Torstenom Makom wo połoženju serbskeje rěče w Delnjej Łužicy:
Kaž něhdyši předsyda serbskeje rady Braniborskeje njedawno w interviewje ze Serbskimi Nowinami rozłoži, je delnjoserbšćina faktisce wotemrěła. Wón zdobom wuzběhny, zo samo w předsydstwje Domowiny serbska rěč njewužiwaja, ale samo jako zadźěwk začuwaja. Tajke wuwiće je kóždy kritisce zhladowacy drje dawno hižo začuwał abo jemu bě znate. Tola přez zjawne wuprajenje je wone nětko oficialnje wobkrućene a runjewon šokuje.
A hdy budźe na wjeskach wokoło klóštra Marijineje hwězdy tak daloko?
