Ratarske drustwo w Niskej pospyza so w plahowanju lěwanćika

Budyšin/Niska (SN/BŠe). Fijałkojte lěwanćikowe pola znajemy poprawom jenož z Francoskeje. Tola tež agrarne drustwo „Jězor“ pola Niskeje so z plahowanjom rostliny zaběra a je před dwěmaj lětomaj polo přihotowało, na kotrež nimale 40 000 rostlinow sadźachu. Tele dny kćenja lěwanćika žněja. „Kóždy dźeń je dale a mjenje kćenjow. Za dwaj dnjej budu žně zakónčene“, zdźěli jednaćel agrarneho drustwa Andreas Graf. Jónu wob lěto su hłowne žně, tak kaž nazhonići ratarjo w Francoskej postupuja. W nazymje móhli hišće raz kćenja rězać, štož pak je skerje hladanskeho razu.