Z dwěmaj naprawomaj so w Sakskej před wudyrjenjom pochromy škitaja

Budyšin (SN/MiP). Po 37 lětach je w Němskej – na wuchodnej kromje Berlina – zaso zwěrjeća mrětwa pochroma wudyriła. Po tym, zo běše Institut Friedricha Löfflera (FLI) wirus 10. januara w zapósłanych probach dopokazał, dyrbjachu mějićeljo wšitke howjada inficěrowaneho stadła zarězać. We wobkruhu 10 km su zamołwići škitne pasmo zarjadowali. Wirus je jara natykowacy, dokelž so w direktnym kontakće, přez kapki w powětře kaž tež na kontaminowanych objektach dale dawa. Wosebje howjada, wowcy, kozy, swinjeća a dźiwina na pochromu schorja. Chorosć njeje smjertna – zwěrjata pak ćerpja a spušćomne hojenske srědki njeeksistuja.