Schrift vergrößern
Wobdźělnicy dźěłarnički sćěhowachu zajimowani wuwjedźenjam Marija Müllera, kotryž jim nazornje swoju wědu wo twarje drjewjanych błótowskich čołmow sposrědkowa. Peter Becker
W ramiku wot Błótowskeho towarstwa z.t. organizowanych dźěłarničkow, na kotrychž zaběraja so zajimcy z twarom drjewjanych čołmow w Błótach, wopytachu wobdźělnicy njedawno mjez druhim dźěłarnju w Tuchowje pola Łucki. Do toho pobychu w metalotwarskej firmy Jakubik w Bórkowach, Tšupčanskej kowarni kaž tež pola Wolfganga Gahla w Lědach.
W Müllerec dźěłarni nastawaja čołmy, za kotrež so deski po dołhosći wužiwaja. Wotpowědne dźěłowe kročele je Mario Müller wobdźělnikam dźěłarnički pokazał.
Mario Müller wuswětli wobdźělnikam maćizny, kotrež su a běchu tehdy za twar drjewjaneho čołma trěbne.
