Čechowka wo dotal najwjetšu sensaciju w Južnej Koreji so postarała

póndźela, 19. februara 2018
artikl hódnoćić
(0 )
Slěbro po masowym starće na 15 kilometrow wubědźi sej wčera němski biatlet Simon  Schempp (nalěwo) jenož něšto centimetrow za olympiskim dobyćerjom Martinom Fourcadu z Francoskeje.  Foto: Anke Waelischmiller/pa Slěbro po masowym starće na 15 kilometrow wubědźi sej wčera němski biatlet Simon Schempp (nalěwo) jenož něšto centimetrow za olympiskim dobyćerjom Martinom Fourcadu z Francoskeje. Foto: Anke Waelischmiller/pa

Staw medaljow po 61 ze 102 rozsudow:

złoto slěbro bronza

1. Norwegska  9 9 8

2. Němska  9 5  4

3. Nižozemska   6 5 2

4. Kanada  5 5 6

5. USA   5 3 2

6. Šwedska  4 3 0


Ester Ledecká, dwójna swětowa mišterka w jězdźenju ze snowboardom, chowaše so sobo­tu na nowinarskej konferency za wul­kimi sněhakowarskimi na­­wo­čemi. Do naprašowanja žurnalistow bě čěska sportowča mjenujcy alpinski super-G dobyła, cyłu spěšnosněhakowarsku elitu swěta šokowała a so wo dotal najwjetšu sensaciju w Južnej Koreji postarała. Ledecká, kotraž startuje na swětowych cupach nětko tež w lěhwje spěšnosněhakowarkow, doby z 0,01 sekundu předskoka před faworitku Annu Veith z Awstriskeje.

Nimo Ester Ledeckeje postara so tež němska lodohokejowa wubranka wo sen­saciju. Team trenarja Marca Sturma móžeše sej prěni króć po 16 lětach dobyće přećiwo Norwegskej na olympiskich hrach zapisać. Po třělenju penaltyjow rěkaše kónčny wuslědk 2:1 za Němsku.

wozjewjene w: Sport

Galerija

dalši wobraz (1) Olympiske zymske hry w Pyeongchangu
Prošu přizjewće so, chceće-li komentar podać

Serbska debata

nowostki LND