Jenož remis po jara razantnej hrě
ST Marijina hwězda –
Arnsdorfske KT 2:2 (2:1)
Zestawa domjacych: Schneider – E. Bulank, R. Cyž, K. Pakoßnick, T. Jurš, Peschmann (64. Clausen), Zelnak (89. Fa. Langer), Eldor, Ladewig (64. Bayer), Kreuz, J. Pakoßnick (82. Fe. Langer)
Na poslednim hrajnym dnju prěnjeje połserije we wokrjesnej lize witachu Pančičanscy koparjo mustwo z Arnsdorfa.
Wuspěšny kónc tydźenja za Łužiske Liški
Blue Devils Weiden –
Łužiske lodohokejowe liški 1:2 (0:1, 1:1, 0:0)
Blue Devils Weiden běše w prěnjej třećinje postajowace mustwo a sadźeše Liški wot spočatka sem pod ćišć. Z agresiwnym pressingom zadźěwachu domjacy efektiwnemu natwarej hosći. Přiwšěm docpěchu prěnje wrota partije ći módro-žołći w 19. min. Sebastian Zauner přewiny z třělwu z módreje linije poslednjeho muža hosćićela.
Wurunanje docpě Lukas Gläser spočatk srjedźneho wotrězka. Wot chłostanskeje ławki přišedši hrabny sej hrajny nastroj a přetwori w 24. min. sam na wrotarja smykajo k 1:1. Liški pak wobkrućichu swoju rólu faworita, jako krótko po tym Marlon Braun z třělwu z módreje linije wospjetne nawjedowanje k 2:1 docpě. Wrota pak buchu Ericej Valentinej přiličene, dokelž bu třělwa wotfalšowana. Weiden postajowaše naslědnje hru, njedocpě pak dalše wrota.
Tež w kónčnym wotrězku so na hrajnym stawje ničo wjac njezměni. Hosćićeljo spytachu ze spěšnymi akcijemi wurunanje docpěć. Běła Woda pak nadběhi přećiwnika jara sylnje zakitowaše, a to zdźěla z hrajerjomaj mjenje na lodźe.
Sakska holča wubranka wuspěšna
Dobyće na kóncu z ruki dali
SJ Chrósćicy –
TSV Połčnica 2:2 (1:0)
Zestawa domjacy: Škoda – Rätze, B. Cyž, Mark, L. Zahrodnik, Bogusz, Hawš, Handrik (76. Wencel), G. Zahrodnik, Matik (65. Wornar), Młynk (86. Donat)
W Hórčan stadionje witachu Chróšćenjo njedźelu koparjow z Połčnicy. Hosćo běchu špatnje do sezony startowali a wobsadźa přeposlednje městno. Tuž chcychu Chróšćenjo dale na swojej domjacej sylnosći dźěłać a dalše dypki hromadźić.
Načolna hra w krajnej klasy starobneje skupiny młodźina A mjez ...
Mjerzaca poražka přećiwo načolnikej tabulki
Sokoł Ralbicy/Hórki –
Natwar Němske Pazlicy 0:1 (0:1)
Zestawa domjacych: Schöne – L. Heidorn (62. Woko) , Schultz, Wałda, B. Heidorn, Mikławšk (62. Korjeńk), Gloxyn, Rachela, Šewc, Bejmak, Hicka (82. Šiman)
Před něšto tydźenjemi wotmě so hra w samsnej konstelaciji w druhim kole wokrjesneho pokala. Tehdy njemějachu Sokoljo žanu šansu přećiwo faworizowanym hrajerjam z Němskich Pazlic a tak duel wysoko přěhrachu. Tónraz pak so karty znowa měšachu – Sokoljo chcychu načolnika tabulki mjerzać. To so jim tež jara derje poradźi.
DFB-mobil w Ralbicach
Štwórtk nawječor w 17 hodź. přijědźe tak mjenowany DFB-mobil na twjerde hrajnišćo Sokoła Ralbicy/Hórki. Dwaj trenarjej Němskeho koparskeho zwjazka tam z tamnišej młodźinu C potom wječorny trening přewjedźetaj a po tym trenarjam tón abo tamny pokiw sobu na puć dadźa. Tež trenarjo z wokolnych towarstwow su na tute zarjadowanje přeprošeni.
Po treningu přizamknje so małe diskusijne koło w korčmičce stadiona „Jurij Frencl“.
Napjata hra bjez wrotow
SJ Chrósćicy II –
TSV Wjazońca 0:0
Zestawa domjacych: M. Mark – M. Donat, F. Zahrodnik (41. Liznar), Kola, K. Mark, Sćapan, Budar, B. Donat, M. Zahrodnik (61. Handrik), J. Donat (61. Bjeńš), Kř. Zahrodnik
Tydźenja njedźelu witaše druhe mustwo SJ Chrósćicy cyłk z Wjazońcy. Na městnje dwaj w tabulce běchu hosćo přećiwo hosćićelej jako předposlednjemu jasny faworit. Tola po prěnim dobyću zašły tydźeń bě tež sebjewědomje Chróšćanskich koparjow rostło.
Wuslědki (26.11.24)
Kopańca
Wokrjesna wyša liga
SC Großröhrsdorf –
FV Ottendorf-Okrilla 2:1 (2:0)
Póst Ger. Budyšin – Kulow 4:1 (1:1)
HZ Łaz/Běły Chołmc –
SG Großnaundorf0:5 (0:3)
Wachau – ST Horni kraj-Sprjewja 1:2 (1:1)
ST Hnašecy-Dobruša –
Zeleno-běli Bukecy5:3 (4:1)
SJ Chrósćicy – TSV Połčnica 2:2 (1:0)
Sokoł Ralbicy/Hórki –
Natwar Němske Pazlicy 0:1 (0:1)
1. Natwar Němske Pazlicy 13 41 : 17 34
2. SC Großröhrsdorf 13 28 : 19 30
3. ST Hnašecy-Dobruša 13 30 : 17 26
4. Rakečanske ST 12 36 : 17 22
5. SG Großnaundorf 13 26 : 19 21
6. Póst Germania Budyšin 13 29 : 24 20
7. Sokoł Ralbicy/Hórki 13 22 : 14 17
8. TSV Wachau 13 22 : 23 17
9. SJ Chrósćicy 12 19 : 21 17
10. Zeleno-běli Bukecy 13 28 : 26 15
11. FV Ottendorf-Okrilla 13 18 : 28 15
12. Módro-běli Kulow 13 16 : 25 12
13. Drohotka Ramnow 12 19 : 29 12
14. ST Horni kraj-Sprjewja 12 17 : 34 11
15. TSV Połčnica 13 15 : 26 9
16. HZ Łaz/Běły Chołmc 13 6 : 33 5
Derje wojowali, ale njeje so zešlachćiło
JTVG Koblicy – Viktoria Worklecy 3:1 (25:20, 20:25, 25:15, 25:19)
Za Viktoriju Worklecy zasadźeni: Anita Bierbaum, Marina Köhler, Stefanie Köhler, Christin Opicec, Jennifer Otto, Constance Pötschke, Tadeja Šefrec, Anja Šmidtowa, Kathrin Spiesec; trenarjej: Daniela Kralec a Stephan Mühl
Prěnja sadźba bě jara wurunana. Wobě mustwje dypkowaštej přez połožene bule. Tež jednotliwe wuspěšne bloki wjedźechu k wjerćenju taflički na woběmaj stronomaj. Přez njejasnosće w přiwzaću běchu Worklečanki nuzowane, při dypkowym stawje 7:10 wo timeout prosyć. To přinjese Kobličanki z rytmusa a hosćom poradźi so, předskok na 11:12 skrótšić. W dalšim přeběhu hry pokazachu so nahladne nadběhi a wuchowanske akcije. Přiwšěm pak wobchowachu sej hosćićelki dale rytmus a wutwarichu předskok znowa wo tři dypki. Druha třećina prěnjeje sadźby bě mocyměrjenje na jenakim niwowje. Worklečankam poradźi so, sej jednotliwe dypki přez sylne naběhi zdobyć, njezamóchu pak za wokomik so ze zastatka wuswobodźić. To nuzowa jich při dypkowym stawje 18:22 wo dalše přetorhnjenje prosyć. Naposledk pak mějachu prěnju sadźbu 20:25 na Kobličanki wotedać.
