ST Lubuš – SJ Chrósćicy II 1:3 (0:0)
Zestawa hosći: B. Klimant – T. Klimant, Wićaz, M. Donat, Dehn, A. Dórnik, Löschau, C. Šmit, Liznar (86. M. Dórnik), D. Šmit (69. J. Donat), Bogusz
Minjeny kónc tydźenja je na hrajnym planje Chróšćanskeje koparskeje rezerwy (SJC II) poprawom duel přećiwo druhemu mustwu Wojerowskeho FC stał. Sněha dla pak móhli na serbskich trawnikach skerje sankować hač za bulom honić. Kompletny hrajny dźeń běchu tuž we wokrjesnej lize-stafli II wotprajili. Dodać móžemy tu tuž rozprawu k njewočakowanemu dobyću SJC II před tydźenjomaj w Lubušu. Běše to zaso raz tajka hra, kaž dožiwichu ju koparjo a trenarjej Chróšćanskeho zastupnistwa hižo časćišo w sezonje.
