SJ Njebjelčicy
– ST Wulka Dubrawa 1:5 (0:1)
Zestawa domjacych: Hahn – Hoelzel, Kral, Hrjehor, Pawlik, Šołta, Hanuza, Haška, Ričel (71. Zeller), Čornak, Korjeńk
Dospołnje njetrjebawša to poražka za chowancow trenarja Njebjelčanskeje SJ Handrija Krawčika. Hižo zahe nawjedowachu koparjo z Wulkeje Dubrawy po róžku z 0:1 (17.). Tři mjeńšiny po tym bu Florian Ričel w šěsnatce přećiwnika foulowany. Postajenu jědnatku pak sadźi hewak wěsty třělc Ronny Hanuza jasnje nimo wrotow. Slědowaše cyły rjad nadběhow, wosebje přez lěwu stronu, ale Sandro Šołta hnydom tři razy zwrěšći. Tež kapitan Jurij Haška njeměješe z třělwu z druheho rynka žane zbožo.
