Widźał, słyšał, napisał (10.02.25)
Awtor dźensa
Clemens Šmit
Wšojedne hač sněhakowanje, smykanje, sankowanje abo tež lodohokej – w Serbach su lubowarjo zymskeho sporta tute aktiwity w zašłych lětach lědma wukonjeć móhli. Dołho trajaca zyma, z tójšto sněhom a tež z porjadnym zmjerzkom, haj, to dyrbju najprjedy raz přemyslić, hdy smy tajku prawu zymu posledni raz tu pola nas we Łužicy měli. Wy zawěsće tež, abo?
Pomhać wědźa sej někotři z tym, zo sej k sněhakowanju pak do Čěskeje abo do Rugiswalde dojědu. Zaso druzy podadźa so do Warnoćic abo do Běłeje wody, zo bychu sej tam z přećelemi lodohokej zahrali. A nó haj, někotři su samo tak – wězo pozitiwnje – překlepani, zo organizuja zymski gawdij tež w Serbach cyle bjez sněha.
Wuslědki (10.02.25)
Kopańca;
3. liga
Sandhausen –
Arminia Bielefeld1:0 (1:0)
1. FC Saarbrücken –
Waldhof Mannheim2:1 (2:1)
FC Rudne horiny Aue –
TSV Alemannia Aachen 1:1 (0:1)
FC Energija Choćebuz –
Wehen Wiesbaden2:1 (1:0)
Čerwjeno-běli Essen –
HZ Unterhaching1:1 (0:0)
VfB Stuttgart II –
Dynamo Drježdźany2:1 (1:0)
TSV 1860 Mnichow –
FC Ingolstadt 041:1 (0:0)
Hansa Rostock –
Viktoria Köln1:1 (1:1)
SC Verl –
Hannover 96 U231:0 (0:0)
VfL Osnabrück –
Borussia Dortmund II 1:0 (0:0)
1. FC Energija Choćebuz 23 47 : 26 45
2. Dynamo Drježdźany 23 44 : 27 42
3. 1. FC Saarbrücken 23 34 : 23 41
4. FC Ingolstadt 04 23 48 : 35 38
5. Viktoria Köln 23 37 : 31 36
6. SC Verl 23 36 : 30 36
7. Hansa Rostock 23 32 : 27 35
8. Arminia Bielefeld 23 30 : 25 34
9. Wehen Wiesbaden 23 37 : 36 34
10. Sandhausen 23 37 : 37 31
11. FC Rudne horiny Aue 23 34 : 39 31
12. TSV Alemannia Aachen 23 22 : 24 30
13. Borussia Dortmund II 23 37 : 38 29
14. TSV 1860 Mnichow 23 33 : 41 29
15. VfL Osnabrück 23 29 : 40 25
16. Čerwjeno-běli Essen 23 31 : 39 24
17. VfB Stuttgart II 23 29 : 41 24
18. Waldhof Mannheim 23 23 : 29 23
19. Hannover 96 U23 23 27 : 39 22
20. HZ Unterhaching 23 27 : 47 15
Sport (07.02.25)
Winowatostna dypkowa hra
W třećej koparskej lize Němskeje hraje FC Energija Choćebuz jutře doma přećiwo Wehen Wiesbaden. Nachwatanska dypkowa hra VfB Auerbacha přećiwo Biskopičanskemu KT 08 bu hižo sčasom wotprajena.
08.02. 14:00 FC Energija Choćebuz –
Wehen Wiesbaden
Přihotowanske koparske hry
Znowa so koparske cyłki na krajnej a tež wokrjesnej runinje z pomocu testowych hrow na dypkowe partije přihotuja. W Halštrowje a w Budyšinje hraje so na kumštnymaj trawnikomaj, w Delanach na twjerdym hrajnišću.
08.02. 13:30 Hlinowski SK – Módro- běli Kulow (w Halštrowje)
09.02. 13:30 Sokoł Ralbicy/Hórki – ST Porchow
09.02. 14:15 ST 1922 Radwor – ST
Hbjelsk 1923 (w Budyšinje)
Worklečanki znowa doma
Po poražkomaj zašły tydźeń přećiwo Ochranowskim wolejfantkam a wolejbulistkam z Rózborka chcedźa Worklečanki jutře zaso dypkować.
08.02. 14:00 Viktoria Worklecy –
TSV Kunnersdorf (ž)
08.02. 14:00 Viktoria Worklecy –
VV Žitawa 09 II (ž)
15.02. 14:00 Viktoria Worklecy –
ST Kupoj Nowa Łuka
(m, w Ralbicach)
15.02. 14:00 Viktoria Worklecy – ST
Łužnica (m, w Ralbicach)
Liški pytaja zesylnjenje
Liški mócnje wojowali, ale jenož jónu mytowani
Łužiske lodohokejowe liški –
EHC Freiburg 3:2 (0:0, 2:0, 1:2)
Łužiske lodohokejowe liški běchu pjatk wječor wot spočatka postajowace mustwo. Přewažnje běše hóstne mustwo z tym zaběrane, žane zažne přećiwne wrota kasěrować, štož so jim tež poradźi. Wot 5. min., po wulkej šansy hosći, wuwi so potom trochu wurunaniša partija, tež hdyž sej liški cyłkownje wjac třělwow na wrota nadźěłachu. Tola wrotarjow njemóžachu w prěnjej třećinje hišće přewinyć.
Tole pak sta so potom w srjedźnym wotrězku, znajmjeńša na jednym boku. Liška Charlie Jahnke trjechi mjenujcy hnydom dwójce. Najprjedy měješe wón wuspěch w hač dotal jeničkej hrě z jednym hrajerjom wjac na lodźe z distancnej třělwu. Wrotar Fabian Hegmann njeměješe wjele wobchada před swojimi wrotami dla dosć wida (29.). A krótko do kónca třećiny zwyši wón samo na 2:0 (39.). W běhu cyłeho srjedźneho wotrězka mějachu sej wjelki ćežko, strašne akcenty w ofensiwje sadźeć. Domjacy agěrowachu přewšo agresiwnje a kompaktnje.
Naročny test za Sokołow
Budissa Budyšin młodźina A –
Sokoł Ralbicy/Hórki 4:2 (1:2)
Zestawa Sokoła: Schöne – B. Heidorn, Schultz, Wałda, L. Heidorn, Korjenk, Mikławšk, Hicka, F. Šiman, Šnajder, P. Šołta, Matka, T. Šiman, Šewc, Rawš
Minjeny pjatk nastupichu Sokoljo k třećej přihotowanskej hrě před startom do druheje połserije. Přećiwnik běše młode a talentowane mustwo młodźiny A Budissy Budyšin. Schorjenjow dla njestejachu wšitcy hrajerjo Sokoła k dispoziciji, štož pak w přihotowanskich hrach njewšědne njeje.
Hižo w pjatej mjeńšinje hosćo bul w natwarje zhubichu. To Maximilian Noack hnydom k nawjedowanju wuži. Sokoljo pak móžachu po standardźe zaso přez Fabiana Korjenka wurunać (13). Po rjanym hrajnym natwarje bu bul do haski hraty, Niklas Šnajder wuhra wrotarja a suny bul k nawjedowanju do syće (36). Přiwšěm pak mějachu spěšni hrajerjo z Budyšina wjacore dobre móžnosće, kotrež wrotar Willi Schöne wotwobara.
Stopnjowanje bě widźomne
SJ 1981 Chrósćicy –
ST Nowe Město/Sakska 1:1 (1:0)
Zestawa domjacych: Škoda – L. Zahrodnik, Zynda, G. Zahrodnik, T. Donat, Rätze, Bogusz, Wornar, B. Donat, Bjeńš, Matik, Lehmann, M. Zahrodnik, Młynk, Handrik
Minjenju njedźelu nastupichu Chróšćenjo w sylnej zestawje a spytachu dobry wukon pokazać. Na kumštnym trawniku w Halštrowje wočakowachu přećiwnika z Noweho Města. Chróšćenjo nastupichu w trochu tamnej, skerje ofensiwnišej formaciji. Tuta wopokaza so wot spočatka sem jako eficientna. Tak zamóchu hru zahe dominować. Přez mnohe kombinacije w srjedźnym polu a kontery wuhrachu sej dobre móžnosće. Přeco zaso pak přećiwnik derje reagowaše. Chróšćenjo stajnje wysoko nadběhowachu a tak přećiwnika konstantnje pod ćišć stajachu. Jenož zrědka móžachu so hosćo do šěsnatki SJC předrěć. W 33. min. sej Chróšćenjo wólny kop wuwojowachu. Gabriel Zahrodnik nastupi, a šmórny jón přez murju do hornjeho lěweho kuta (1:0). Z tutym wuslědkom podaštej so mustwje do přestawki.
Za finale němskeho mišterstwa so kwalifikowali
Měšane mustwo wolejbulistow z Pančic-Kukowa, Budyšina a Hnašec je pod chorhoju ST Marijineje hwězdy tydźenja w Rudnych horinach nastupiło. Tam chcychu sej we wobłuku němskeho mišterstwa w starobnej klasy sk 60 finalne městno wudobyć.
Kontrahentaj běštaj staraj znataj zašłych lět: VSV Fortuna Göltzschtal a SZ Motor Thurm. Bilanca dotalnych hrow w běhu lět wšak běše wurunana, dominantne žane z mustwow njebě. Nimo kwalifikacije wuhra so w turněrje tež sakski mištr tuteje starobneje klasy. Łužičenjo wšak mějachu po lońšim dobyću titul zakitować.
W prěnjej hrě dnja nastupichu wolejbulisća z Thurma a z Göltzschtala. Po spočatnje jasnym nawjedowanju Thurmowčanow doby Göltzschtal prěnju sadźbu z 34:32. To lubješe napjaty dalši bój. Po dołhim tam a sem na spočatku hry přesadźi so w druhej sadźbje Motor Thurm z 25:22. A tiebreak rozsudźi na kóncu tola jasnišo Motor Thurm z 15:10 a z tym hru 2:1 za sebje.
Koparski dorost so wubědźował
Sportowa hala Slavia w Radworju běše minjeny kónc tydźenja kruće w rukach koparskeho dorosta z Radworja a wjacorych spřećelenych hóstnych mustwow. Mnozy přihladowarjo, předewšěm starši a dźědojo a wowki, dźěći pohonjowachu. Wšitcy su wo wrota a dypki wojowali. Cyłkowny hrajny nawoda Frank Hübner a jeho naměstnica Birgit Elsner dohladowaštaj zhromadnje z mnohimi pomocnikami hrajny plan.
Sportowe towarstwo 1922 Radwor wupraja wšitkim pilnym pomocnikam dźak a připóznaće za jich pomoc. A kóždy wě, kak wažna podpěra přez sponsorow je, bjez kotrychž tajke sportowe wulkozarjadowanje scyła přewjedźomne było njeby. Lětsa běchu to firmy: Develey žonop Budyšin, Richterec rěznistwo z Lubija, napojownistwo Hubauer z Budyšina, Šołćic třěchikryjerska firma z Radworja, Züblin AG z Drježdźan, Nukec napoje, LAWI z Čorneho Hodlerja, Ford Hoffmann z Budyšina, čišćernja Schütz z Kamjenca, Kern GmbH Budyšin, Budyska wokrjesna nalutowarnja a molerski zawod Dresler a Mehlhose z Budyšina. Werner Müller
Turněrowe wuslědki:
Młodźina A
1. VFB Žitawa
2. Wojerowski FC
Worklečenjo turněrowe dobyće snadnje misnyli
Halowy koparski turněr wólnočasnych koparskich cyłkow z mjenom „30 lět fanowy klub BFV 08 – swěrni“ bě wosebite wubědźowanje, na kotrymž so serbscy koparjo wobdźělichu.
Połojca z na tutym dnju zasadźenych Worklečanskich akterow běchu talentowani štyrnaćelětni młodźi hrajerjo. Starobny přerězk koparjow bě na tutym dnju tuž 21,3 lět. Tajki młody wólnočasny koparski cyłk drje hišće ženje hromadźe hrał njebě.
Do turněra startowachu Worklečenjo ze zbožownym dobyćom 2:1 přez wrota debitantow Franca Šewca a Luci Šewca, a to přećiwo teamej z mjenom ,,43 bjez mloka“.
Suwerenišo wotběža druhe mocyměrjenje přećiwo zarjadowarjam koparskeho ewenta z mjenom ,,Swěrni“. Milan Šmit postara so z wuspěchom 3:0 ze swojim hatrikom nimale sam wo tři dalše ličaki.
Tež mustwo ,,Módrokrejni Kamjenica“ jako třeći kontrahent běchu stari znaći. Přećiwnik spěšnje 1:0 nawjedowaše. Jan Herman ze swojimi premjernymi wrotami kaž tež Tomaš Čornak a Luca Šewc pak wuslědk wobroćichu.
Wuslědki (04.02.25)
Kopańca; 3. liga
Alem. Aachen – E. Choćebuz 0:0 (0:0)
Waldhof Mannheim – SC Verl 2:2 (2:2)
FC Ingolstadt – FC Saarbrücken 1:0 (1:0)
Wiesbaden – VfB Stuttgart II 2:0 (2:0)
Bor. Dortmund II – H. Rostock 0:2 (0:0)
D. Drježdźany – Rudne hor. Aue 2:1 (1:1)
Viktoria Köln – TSV Mnichow 1:2 (1:0)
Arminia Bielefeld – Essen 1:2 (0:1)
Unterhaching – VfL Osnabrück 2:3 (0:2)
Hannover 96 U23 – Sandhausen 4:4 (0:0)
1. FC Energija Choćebuz 22 45 : 25 42
2. Dynamo Drježdźany 22 43 : 25 42
3. 1. FC Saarbrücken 22 32 : 22 38
4. FC Ingolstadt 04 22 47 : 34 37
5. Viktoria Köln 22 36 : 30 35
6. Arminia Bielefeld 22 30 : 24 34
7. Hansa Rostock 22 31 : 26 34
8. Wehen Wiesbaden 22 36 : 34 34
9. SC Verl 22 35 : 30 33
10. Sandhausen 22 38 : 37 30
11. FC Rudne horiny Aue 22 33 : 38 30
12. Borussia Dortmund II 22 37 : 37 29
13. TSV Alemannia Aachen 22 21 : 23 29
14. TSV 1860 Mnichow 22 32 : 40 28
15. Waldhof Mannheim 22 22 : 27 23
16. Čerwjeno-běli Essen 22 30 : 38 23
17. VfL Osnabrück 22 28 : 40 22
18. Hannover 96 U23 22 27 : 40 21
18. VfB Stuttgart II 22 27 : 40 21
20. HZ Unterhaching 22 26 : 46 14
Regionalna liga
Hertha BSC II – VFC Plauen 3:1 (1:1)
Carl Z. Jena – Greifswaldski KK 1:1 (0:0)
Babelsberg – Hertha Zehlendorf 2:1 (2:1)
Chemija Lipsk – Luckenwalde 1:3 (1:2)
FC Viktoria Berlin – Altglienicke 1:1 (1:1)
Halleski FC – FC Erfurt 2:0 (1:0)
FC Eilenburg – Lok Lipsk 0:3 (0:2)
ZFC Meuselwitz – BFC Dynamo 2:2 (2:0)
FSV Zwickau – Kamjeničanski FC 2:2 (0:0)
1. Lok Lipsk 20 36 : 12 47
2. Halleski FC 20 32 : 13 41
3. FC Čerwjeno-běli Erfurt 20 30 : 25 33
4. FSV Zwickau 20 28 : 31 33
5. FC Carl Zeiss Jena 19 42 : 24 32
6. Hertha BSC II 19 31 : 30 31
7. BFC Dynamo 20 29 : 20 30
8. Greifswaldski KK 20 29 : 22 29
9. VSG Altglienicke 18 20 : 16 25
10. SV Babelsberg 03 20 29 : 33 25
