Chróšćenjo na kóncu wurunali
ST Hnašecy/Dobruša –
SJ Chrósćicy 3:3 (1:1)
Zestawa hosći: Ki. Mark (67. Škoda) – Rätze (56. Kl. Mark), B. Cyž, Zynda, L. Zahrodnik, Wencel (84. Donat), Hawš, M. Zahrodnik, Graf, G. Zahrodnik (70. Młynk), Bogusz
Na poslednim hrajnym dnju prěnjeje połserije dojědźechu sej Chróšćenjo do Dobruše. Tamniše sportowe towarstwo steji na třećim městnje tabulki. Chróšćenjo pak chcychu na kóncu lěta na kóždy pad hišće raz dypkować a swoju wonkownu bilancu polěpšić.
Start hry słušeše domjacym. Na dobrym kumštnym trawniku pokazachu swoje lěpšiny a sej hnydom dobre móžnosće nadźěłachu. Zastupowacy wrotar Kito Mark měješe hnydom něšto za dźěło. We 8 min. dóstachu Hnašečenjo po foulu w šěsnatce pokutny kop, kotryž Martin Bartke k 1:0 přetwori. Tež po tym domjacy hru dale postajowachu. Dalše móžnosće pak njewužiwachu. Po poł hodźinje so tež Chróšćenjo raz před wrotami jewichu. Prěnje móžnosće pak njeběchu hišće wuspěšne. Krótko do połčasa pak docpěchu skónčnje wurunanje. Jan Bogusz wuži zmylk škitarja při srjedźnej liniji a měrješe so sam na wrota. Tam wosta měrny a třěli bul w 35. min. k 1:1 do wrotow.
Adwentny turněr najmjeńšich
Póndźelu po prěnjej adwentnej njedźeli bě sej Sportowa jednotka z Njebjelčic najmjeńšich koparjow do Worklečanskeje hale přeprosyła. Přijěli běštej dwě mustwje z Ralbic, dwě z Pančic-Kukowa a domjacy pósłachu tři teamy do hale. W modusu „kóždy přećiwo kóždemu“ honjachu bambinije něhdźe hodźinu za kožanej kulu a docpěchu při tym tójšto wrotow. Po turněrje wjeselachu so hišće wšitcy přez medalju, chłóšćenku, napoj a mandarinku. Wulki dźak słuša Njebjelčan trenarjomaj Křesćanej Bejmakej a Fabianej Korjeńkej za poradźene sportowe popołdnjo.
Foto: Jurij Bjeńš
Zasadne reformy schwalili
Vatikan (B/SN). Swětowa synoda je po dwěmaj etapomaj wuradźowała, a to w oktobrje 2023 a 2024. Do toho běchu kontinentalne zhromadźizny we wšěch dźewjeć dźělach swěta přewjedli. Na kóncu su wjele namjetow schwalili, kotrež maja k zasadnym reformam wjesć. Najwažnišej stej decentralizacija katolskeje swětoweje cyrkwje a sylniše wobdźělenje ludnosće při wažnych rozsudach. Wěriwi maja nětko nadawk, w swojich wosadach proces wobnowjenja zwoprawdźić.
Ryćerske rjady
Bonn (B/SN). Rozdźělne duchowne ryćerske rjady předstajeja w nowym internetnym wobjednanju „aufgekreuzt“ pod katholisch.de. Historikar, profesor Jürgen Sarnowsky rozjima rjady templerjow, maltezow a dalše. Němski rjad na přikład wěnuje so chorym, zbrašenym a starym ludźom w Němskej, Awstriskej, Italskej, Słowjenskej, Čěskej a Słowakskej.
Z Kölna direktnje do Taizéja
Napjaty duel za sebje rozsudźili
Rakečanske KT II –
SJ Chrósćicy II 2:5 (2:1)
Zestawa hosći: M. Mark – M. Donat (88. J. Mark), F. Zahrodnik, Kola, J. Donat, Wornar (88. Hojer), Budar, B. Donat, Wencel (82. Liznar), M. Zahrodnik (63. Bjeńš), Žur (75. Bětnar)
Tydźenja sobotu bě so dypkowa hra mjez poslednim a předposlednim tabulki wokrjesneje ligi nachwatała.
Tež lětsa w oktobru su so zaso wjacori Serbja a jich přećeljo w ...
Widźała,słyšała, napisała (09.12.24)
Awtor dźensa
Tereza Wićazowa
Jědnatka! W kopańcy njedawa žaneje dalšeje situacije, hdźež je ćišć za hrajerja wjetši. Wědomostnicy lubuja wosebje tohodla jědnatku, dokelž je wona standardizowana a so pod standardizowanymi wuměnjenjemi wotměwa. Wrotar steji na wrotowej liniji, hrajer połoži sej bul na dypk a sudnik zahwizda. Tola w mjezyčasu, hdyž sej hrajer bul wozmje a jón na dypk połoži, je dosć časa za karusel myslow.
Štyri wot pjeć třělcow woli róžk hižo před naběhom. Prawdźepodobnosć, zo wjedźe jědnatka k wrotam, leži pola něhdźe 75 procentow. To je kwota wrotow w profesionalnej kopańcy. Třělc steji potajkim stajnje pod ćišćom, dokelž statistika za njeho rěči. Wrotar njetrjeba so porno tomu při jědnatce poprawom bojeć. Wón ma šansu, so z rjekom stać.
Sokoljo skónčnje zaso dobyli
Sokoł Ralbicy/Hórki –
Zeleno-běli Bukecy 3:1 (3:0)
Zestawa domjacych: Schöne – Mikławšk, Rawš, Schultz, B. Heidorn, Gloxyn, Korjeńk (82. Korjeńk), Šewc, L. Heidorn (55. Woko), Bejmak (69. Mjechela), Bejma (90. M. Šołta)
Postupnik z Bukec je dotal 15 dypkow hromadźił a měješe móžnosć, z wonkownym dobyćom Ralbičanow w tabulce přesćahnyć.
Sport (06.12.24)
Načolnik pola druheho
W sportowej hali při Kamjenskim lětanišću hraje druhe wolejbulowe mustwo muži Viktorije Worklecy jutře jako načolnik wobwodneje klasy Wuchodosakskeje přećiwo druhemu tabulki OSSV Kamjenc. Wobě zastupnistwje stej dotal wšitke tři hry sezony 2024/2025 dobyłoj. Serbski wolejbulowy derby mjez ST Marijinej hwězdu a Sokołom Budyšin přewjedźe so štwórtk w měsće w sportowni Daimleroweje wyšeje šule.
07.12. 14:00 OSSV Kamjenc –
Viktoria Worklecy II (m)
12.12. 19:30 MSV Budyšin III –
Sokoł Budyšin (m)
12.12. 19:30 ST Marijina hwězda –
Sokoł Budyšin (m)
12.12. 19:30 MSV Budyšin III –
ST Marijina hwězda (m)
14.12. 14:00 Rózbork –
Viktoria Worklecy (ž)
14.12. 14:00 SV Kaupa Neuwiese –
Viktoria Worklecy (m)
14.12. 14:00 Viktoria Worklecy II –
CVJM Zhorjelc II (m)
14.12. 14:00 Viktoria Worklecy II –
MSV Bautzen (m)
Chróšćenjo w Dobruši
Po domjacym dobyću chcedźa Chróšćenjo tež wonka połnje dypkować, a to w Bukecach.
07.12. 13:30 ST Hnašecy-Dobruša –
SJ Chrósćicy
08.12. 13:00 Budissa Budyšin –
FC Jednota Wernigerode
08.12. 13:30 Sokoł Ralbicy/Hórki –
Zeleno-běli Bukecy
Zymska edicija Kulowcupa
Spěšny sport, rjane wrota a sylne parady wrotarjow
Łužiske lodohokejowe liški –
Lodowi piraća Crimmitschau 3:4 p.tř.p. (1:1, 1:1, 1:1, 0:1)
Po Lodowych lawach sćěhowachu Lodowi piraća. Druhi raz w běhu tydźenja hrajachu Łužiske liški sakski derby w DEL2.
Hosćo wukonjachu wot wšeho spočatka wjele ćišća a wužichu zahe swoje šansy z hrajerjom wjac na lodźe. Něhdyša liška Thomas Reichel docpě w 5. min. 1:0 a z tym nawjedowanje za Lodowych piratow. Tola Liški dale suwerenje wo wrota wojowachu. Po wjacorych dobrych šansach trjechichu wurunanje krótko do přestawki. Tom Knobloch přihra puk Lewisej Zertera-Gossage, kotryž docpě 1:1.
Po 73 sekundach w druhej třećinje běchu Lodowi piraća znowa wuspěšni. Scott Feser trjechi druhe wrota 2:1. Tola Liški njezamyleni dale sylnje zakitowachu a spytachu wurunanje docpěć. Tola druhe wrota, najebać jara dobrych móžnosćow, najprjedy raz njetrjechichu. Potom bě to Alexander Dosch, kiž we 38. min. ze zajimawej akciju wuruna 2:2.
Bogusz hru z poslednjej akciju rozsudźił
SJ Chrósćicy –
FV Ottendorf-Okrilla 2:1 (0:0)
Zestawa domjacych: Škoda – Rätze (88. Bjeńš), B. Cyž, Zynda, Mark, L. Zahrodnik (81. Donat), Hawš (56. Matik), M. Zahrodnik, Bogusz, G. Zahrodnik, Młynk (56. Handrik)
Prěnju adwentnu njedźelu witachu Chróšćenjo koparjow z Ottendorfa-Okrille do Chrósćic. Hačrunjež su hosćo w delnim dźělu tabulki zaměstnjeni, mjerzachu lětsa hižo toho abo tamneho faworita. Tuž běchu domjacy hrajerjo warnowani.
Wot spočatka wzachu Chróšćenjo ceptar do ruki a hru postajowachu. Prěnje móžnosće wuhrachu sej po wólnych kopach. Hłójčkowanej bulej Michała Młynka a Bosćija Cyža pak wrotar wotwobara. Tež dalša šansa Młynka po flance padny jenož na pobóčny sak. Na druhej stronje zamóžachu hosćo přeco zaso konterować. Jedyn tajki strašny bul dyrbješe Jakub Škoda wotwobarać, dalši třěl prasny na łatu. Kónc prěnjeho połčasa wuhrachu sej hosćićeljo hišće trójce šansu na wrota. Tola Jan Bogusz, Maksimilian Zahrodnik abo Młynk bul we wrotach njezaměstnichu, wšako hosćo jich třěle stajnje derje blokowachu. Tak podachu so wobaj cyłkaj bjez wrotow do přestawki.
