Skónčnje zaso raz dobyli
SJ Njebjelčicy
– Jednota Kamjenc II 4:0 (2:0)
Zestawa domjacych: Hahn – Kral, Deleńk, Pawlik, Šołta, Haška, Dubaw, Cyž (76. Čornak), Hanuza, Lejnart (85. Mjechela), Hrjehor (90. Ričel)
Kniha nětko wuńdźe
Kniha wo koparskich mišterstwach narodnych mjeńšin „Europeada 2012“ wuńdźe dypkownje do hód. To zdźělatej Domowina a Serbski Sokoł. Kniha wobsahuje na 200 stronach přez 350 fotow, statistiki, pozadki, dźenik, informacije wo kopanišćach a wjele wjac. Wot 17. decembra budu ju na wjacorych městnach Łužicy předawać. Płaćizna je 30 eurow. Eksemplary, kotrež su hač do 10. decembra pola Serbskeho Sokoła skazane, dóstanu signum kapitana wubranki Chrystofa Dubawa a trenarja Franka Ričela.
Z dochodami financuje Sokoł tež přichod serbskich wubrankow a wobdźělenje na klětušej europeadźe.
Nowostku předawać budu:
- Zapadołužiski koparski Zwjazk w Ka- mjencu
- Domowina w Budyšinje
- časnikar Jürgen Njek w Chrósćicach
- wobchod Marje Hrjehorjoweje w Ró- žeńće
- frizerski salon Bernadet Škodźineje we Wotrowje
- Wałdźic kupnica we Worklecach.
Knihu móžeće sej tež přez onlineshop Zapadołužiskeho koparskeho zwjazka skazać. (http://www.westlausitzer-fussball verband.de/shop.html)Serbski Sokoł
Koparjo SJ Chrósćicy sej nazymske mišterstwo zawěsćili
Motor Kumwałd
– SJ Chrósćicy 3:4 (2:4)
Zestawa hosći: Králíček – Pöpel, Cyž, Zahrodnik, Schulze, Dehn, Runt, Domaška, Młynk (87. Bogusz), Věchet (61. Šafář), Šmit
Widźał, słyšał, napisał (07.12.15)
Awtor dźensa
Achim Kowar
Zymski sport nas skónčnje zaso ma. Šwedske město Östersund bě zašłej kóncaj tydźenja hosćićel biatlonowych sportowcow. Naši so tam wulkotnje prezentowachu: najprjedy bóle mužojo, po nich tež žony. W nordiskim sporće, to rěka w nordiskej kombinaciji a w skakanju w norwegskim Lillehammerje dyrbjachu naše worjoły tydźeń dlěje čakać. Nětko pak bě zazběh wjele lubjacy.
Wuslědki (07.12.15)
Wokrjesna koparska liga, stafla III
Großharthau – Hlinowc 3:2 (2:1)
Arnsdorf – Großröhrsdorf II 4:2 (2:0)
Wóslink – Großnaundorf 0:5 (0:4)
Ottendorf/Liegau – Frankenthal 6:1 (3:1)
Němske Pazlicy – Sepicy 0:3 (0:2)
Großdrebnitz – Marijina hwězda 1:6 (1:1)
Njebjelčicy – Kamjenc II 4:0 (2:0)
1. Frankenthal 13 37 : 21 31
2. Ottendorf/Liegau 12 33 : 13 29
3. Arnsdorf 13 36 : 14 27
4. Großnaundorf 12 41 : 19 22
5. Marijina hwězda 13 43 : 31 21
6. Großröhrsdorf II 13 26 : 19 21
7. Hlinowc 12 29 : 21 19
8. Njebjelčicy 12 28 : 21 18
Sport (04.12.15)
Mikławšowej turněraj
Volleyballisća Chróšćanskeje sportoweje jednotki wuhotuja póndźelu, 7. decembra, tradicionalny Mikławšowy volleyballowy turněr, a to we wjacezaměrowej hali „Jednota“. Turněr započnje so we 18 hodź. Hižo jutře přewjedu w Radworju Mikławšowy koparski turněr z dwanaće mustwami. Prěnja hra w hali „Slavia“ započnje so w 9.30 hodź. Hrać budu w dwěmaj staflomaj, w žónskej a muskej. Wšitke šěsć přeprošenych žónskich koparskich cyłkow je připrajiło. Pola muži je zakitowar pokala chór Meja, pola žonow mustwo SJ Chrósćicy, kotrež pak je so w lěću rozpušćiło.
Volleyballowej dypkowej hrě
05.12. 14:00 Kunnersdorf
– ST Marijina hwězda
05.12. 16:00 Mittelherwigsdorf
– Viktoria Worklecy
Mišterstwa w lochkoatletice
W Biskopicach přewjedźe sportowe towarstwo TV 1848 Biskopicy jutře wječor wokrjesne halowe mišterstwa lochkoatletiki. We 18.30 hodź. startuja w ćěłozwučowarni we Wesenitzparku starobne klasy U10, U12 a U14, a to w šěsć disciplinach.
Adwentny volleyball
Worklečanske dźiwje micki doma maksimalny wuspěch žnjeli
Kopaty połny program lubješe štwórty hrajny dźeń wokrjesneje volleyballoweje klasy žonow.
MSV Budyšin 04 III – Viktoria Worklecy 0:2 (25:9, 25:20)
Hrajerki MSV Budyšina běchu drje ćělnje přitomne, w myslach najskerje hišće doma. Worklečanske dźiwje micki sej hru natwarjachu a přetworjachu bul po bulu. Tajku jasnu poražku 9:25 přećiwnik dotal hišće poćerpjeł njebě. W druhim přechodźe postupowachu domjace pomałšo. Tež to pak dosahaše za dobyće.
Paralelnje hrajachu w Pančicach:
SC Wojerecy – Marijina hwězda II 0:2 (14:25, 15:25)
Marijine hwězdźički dachu so koncentrowane do hry. Wěstosć w přiwzaću bulow tworješe wuchadźišćo za wuspěšne nadběhi. Daniela Kralec praskaše jedyn bul po druhim do pola přećiwnika. W bloku so Nadine Čižankec wuznamjenješe. Tak dóstachu Wojerecy porjadnu plistu.
We Worklecach hrajachu mjeztym:
MSV Budyšin 04 III – Marijina hwězda III 2:0 (25:12, 25:4)
Ćeže Worklečanskich blidotenistow
Hižo wjacore lěta honitaj Mikławškec bratraj Křesćan a Michał we Worklečanskim prěnim blidotenisowym mustwje zhromadnje za celuloidowym bulikom. Po zazběhu sezony 2015/2016 a wjacorych hrach je sej sportowa redakcija Serbskich Nowin interview z kapitanom mustwa Michałom Mikławškom wuprosyła.
Kak posudźuješ dotalnu połseriju w prěnjej wobwodnej lize w prěnim blidotenisowym mustwje Viktorije Worklecy?
M. Mikławšk: Po spočatnych problemach, kotrež zawěsće nastachu, dokelž běchmy přemało trenowali, smy dotal te hry dobyli, w kotrychž běchmy faworit. Bohužel pak mějachmy dosć partijow, w kotrychž faworitej snadnje podležachmy. Tež w tajkich hrach budźemy spytać sej w druhej połseriji dypki wuwojować.
Tučasnje stejiće na sedmym městnje tabulki z wurunanej bilancu: štyri dobyte hry a štyri snadne poražki. Mysliš sej, zo maće hišće móžnosć, do boja wo prědnje městna zapřimnyć, abo dyrbiće skerje na to kedźbować, zo njezestupiće?
Wuslědki (02.12.15)
MSV Budyšin 04 III 7 64:45 11:3
TSV Wóspork/Hrodźišćo 8 72:50 11:5
SZ Wocl Krušwica 8 70:52 11:5
SZ Ketlicy 8 65:58 10:6
Póst Zhorjelc II 8 64:59 10:6
SZ Wětnica/Hola 8 59:63 9:7
ST Viktoria Worklecy 8 62:59 8:8
TTF Běła Woda 7 45:61 4:10
TTSV Korzym/Załom 8 52:71 4:12
TTSV MB Hagenwerder 8 43:78 0:16
Sport (02.12.15)
Porjedźenka
Na wčerawšej sportowej stronje SN smy wopačny wobraz k interviewej wozjewili. Kopar na wobrazu njeje Omran Abdullah, ale Marko Handrik. Pětr Sćapan, naš rozprawjer z Radworja, je nam hišće wčera prawy wobraz pósłał. Prosymy wo wodaće.Sportowa redakcija SN
